Redraw

ފްލެޓްތައް އަވަހަށް ހަވާލުކުރުމަށް ގޮވާލާ މުޒާހަރާ ކުރަން ފަށައިފިއެވެ.

އެމްޑީޕީ އިސްވެ އޮވެ, މުޒާހަރާ ފެށީ ރައްޔިތުންގެ މަޖިލިހުގެ އިދާރާ ސަރަހައްދުންނެވެ. ފުލުހުން މުޒާހަރާގެ ބައިވެރިންނަށް ފުރުޞަތު ދިނީ ކުރިމަތީގައި އޮތް ޕާކިންގ ޒޯންގެވެސް މަޖިލިހުގެ އިދާރާއާ އެންމެ ދުރުންނެވެ. މުޒާހަރާގެ ބައިވެރިން އަޑުއުފުލަމުން ދިޔައީ ފްލެޓްތައް އަވަހަށް ހަވާލުކުރުމަށް އެދިއެވެ. ބޯޑްތަކުގައި ލިޔެފައިވަނީ 'މަގޭ ފްލެޓް ކޮބާ" އަދި "ފްލެޓް ހަވާލުކުރޭ" ފަދަ ބޯޑްތަކެވެ. 

މިދިޔަ އެމްޑީޕީ ސަރުކާރުން 4000 ފްލެޓް ލިބޭ ފަރާތްތަކަށް ލިޔުން ދީ, ލިސްޓް ގެޒެޓް ކުރި ނަމަވެސް މިސަރުކާރުން ނިންމީ އެކަން ކޮށްފައިވަނީ ގޯސްކޮށް ކަމަށެވެ. އަދި އަލުން ލސިްޓް ރިވިއު ކުރުމުގެ މަސައްކަތް ދަނީ ކުރަމުންނެވެ. މިމަސް ނިމުމުގެ ކުރިން އާ ލިސްޓް އިއުލާނު ކުރާނެ ކަމަށް ސަރުކާރުން ވަނީ ބުނެފައެވެ.

Flat thah avahah havaal kurumah govaalaa muzaahara kurany

ފްލެޓްތައް އަވަހަށް ހަވާލުކުރުމަށް ގޮވާލާ މުޒާހަރާ ކުރަނީ

.އަށްޑުވަސް މަޖައްލާގެ ފުރަތަމަ އަދަދު

އަށްޑުވަސް މަޖައްލާގެ ފުރަތަމަ އަދަދު

 އަށްޑުވަސް ފުރަތަމަ އަދަދު ވިދާޅުވުމަށް ތިރީގައިވާ ލިންކަށް ފިތާލައްވާ: 

https://issuu.com/adduvasnews.com/docs/adduvas_issue_1

 އަށްޑުވަސް ޖެނުއަރީގެ އަދަދު ވިދާޅުވުމަށް ތިރީގައިވާ ލިންކަށް ފިތާލައްވާ

https://issuu.com/adduvasnews.com/docs/to_issue_adduvas

adduvas

އަށްޑުވަސް ޖެނުއަރީގެ އަދަދު

އިބްރާހިމް ނާސިރު  (ސުމުއްވުލް އަމީރު އިބްރާހިމް ނާސިރު ރަންނަބަނޑޭރި ކިލެގެފާނު) އަކީ ރާއްޖޭގެ މިނިވަންކަމުގެ ބާނީ އަދި ދެވަނަ ޖުމްހޫރިއްޔާގެ ފުރަތަމަ ރައީސެވެ. ދިވެހި ސަރުކާރުގެ އެންމެ އިސް މަގާމު 19 އަހަރު ވަންދެން ނާސިރު ފުރުއްވިއެވެ. އިބްރާހިމް ނާސިރަކީ ރާއްޖޭގެ ބޮޑުވަޒީރުކަމާއި، ތަފާތު އެތައް ވުޒާރާއެއްގެ ވަޒީރުކަން ފުރުއްވި ސްޓޭޓްސްމަނެކެވެ. 

އިބްރާހިމް ނާސިރު  (ސުމުއްވުލް އަމީރު އިބްރާހިމް ނާސިރު ރަންނަބަނޑޭރި ކިލެގެފާނު) އަކީ ރާއްޖޭގެ މިނިވަންކަމުގެ ބާނީ އަދި ދެވަނަ ޖުމްހޫރިއްޔާގެ ފުރަތަމަ ރައީސެވެ. ދިވެހި ސަރުކާރުގެ އެންމެ އިސް މަގާމު 19 އަހަރު ވަންދެން ނާސިރު ފުރުއްވިއެވެ. އިބްރާހިމް ނާސިރަކީ ރާއްޖޭގެ ބޮޑުވަޒީރުކަމާއި، ތަފާތު އެތައް ވުޒާރާއެއްގެ ވަޒީރުކަން ފުރުއްވި ސްޓޭޓްސްމަނެކެވެ. އަދި ރާއްޖޭގެ ތަރައްގީގެ މުހިންމު ތަނބުތަކެއް ގާއިމްކުރެއްވި އިގްތިސާދީ މާހިރެކެވެ. 

26 ޖުލައި 1965 ގައި އިނގިރޭސިންގެ ޙިމާޔަތުގެ ދަށުން ރާއްޖެއަށް ފުރިހަމަ މިނިވަންކަން ހޯއްދަވައިދެއްވިއެވެ. އެ މިނިވަންކަމުގެ އެއްބަސްވުމުގައި އިނގިރޭސި ސަރުކާރާއެކު ސޮއިކުރެއްވީ އެމަނިކުފާނެވެ. އައްޑުއަތޮޅު ގަމުގައި ހިންގަމުން ގެންދިޔަ އިނގިރޭސިންގެ ޢަސްކަރީ ބޭސް ހިންގުން ނިމުމަކަށް ގެންނެވީވެސް އެމަނިކުފާނުގެ ވެރިކަމުގައެވެ. ރާއްޖޭގައި ފަތުރުވެރިކަން ފެށްޓެވީވެސް އެމަނިކުފާނުގެ ވެރިކަމުގައެވެ. އަދި ރާއްޖޭގައި އިނގިރޭސި މީޑިއަމަށް ކިޔަވައިދެއްވަން ފެށްޓެވީވެސް އެމަނިކުފާނެވެ.

އިބްރާހިމް ނާސިރު އުފަންވެ ވަޑައިގަތީ 2 ސެޕްޓެމްބަރު 1926 ގައެވެ. އަވަހާރަވީ 22 ނޮވެމްބަރު 2008 ގައެވެ. 

ނާސިރު ކުޑަ ދުވަސްކޮޅަކު ސިލޯނަށް ވަޑައިގެން ކިޔަވާ ވިދާޅުވިއެވެ. އެއަށްފަހު އަނބުރާ ވަޑައިގެން އުޅުއްވީ ބޮޑަށް ސަރުކާރުގެ އެކި މަގާމު އަދާކުރެއްވުމުގައެވެ. 

ރާއްޖޭގެ ފުރަތަމަ ޖުމްހޫރިއްޔާގެ ނިމުމަށްފަހު ވެރިކަމަށް ވަޑައިގަތީ ވެލާނޭގޭ އިބްރާހިމް މުހައްމަދު ދީދީއެވެ. އޭގެ މާ ގިނަ ދުވަހެއް ނުވެ، 1955ގައި އިބްރާހިމް މުހައްމަދު ދީދީ އާލާސްކަންފުޅަކަށް ފަރުވާއަކަށް ސިލޯނަށް ވަޑައިގަންނަވަން ޖެހި ވަޑައިގަތެވެ. އެއަށްފަހު ދިވެހި ދައުލަތުގެ ކަންކަން ހިންގެވުމާ ހަވާލުވެވަޑައިގަތީ ނާސިރެވެ. ނާސިރު ބޮޑު ބޭބޭފުޅަށް އެންގެވީ އަނބުރާ ރާއްޖެ ވަޑައިނުގަތުމަށެވެ. އެއަށްފަހު، ދިވެހި ދައުލަތުގެ އެންމެ ބާރުގަދަ ބޭފުޅަކަށް ނާސިރު ވެވަޑައިގަތެވެ.

އިބްރާހިމް ނާސިރުގެ އުމުރުން 31 އަހަރުފުޅުގައި (12 ޑިސެމްބަރު 1957) ގައި ރާއްޖޭގެ ބޮޑުވަޒީރުކަން ލިބިވަޑައިގަތެވެ. 26 ޖުލައި 1965ގައި އިނގިރޭސި ހިމާޔަތުގެ ދަށުން ރާއްޖެއަށް ފުރިހަމަ މިނިވަންކަން ހޯއްދަވައިދެއްވީ ނާސިރެވެ. އެ އެއްބަސްވުމުގައި ދިވެހި ދައުލަތުގެ ފަރާތުން ސޮއިކުރެއްވީ ނާސިރެވެ. 

ރާއްޖޭގެ ދެވަނަ ޖުމްހޫރިއްޔާގެ ފުރަތަމަ ރައީސްކަމާ ނާސިރު ހަވާލުވެ ވަޑައިގަތީ 11 ނޮވެމްބަރު 1968 ގައެވެ. މި މަގާމުގައި 10 އަހަރު ހުންނެވުމަށްފަހު 11 ނޮވެމްބަރު 1978 ގައި މަގާމުން އިސްތިއުފާ ދެއްވިއެވެ. 

ނާސިރުގެ މުހިންމު ޚިދުމަތްތައް

-	26 ޖުލައި 1965 ގައި ރާއްޖެއަށް މިނިވަންކަން ހޯއްދަވައިދެއްވުން

-	އިނގިރޭސި ތައުލީމު ފެއްޓެވުމާއި އޭލެވެލް ތައާރަފްކުރެއްވުން

-	އަތޮޅު ތައުލީމީ މަރުކަޒުތައް ގާއިމްކުރެއްވުން

-	އަންހެނުންނަށް ވޯޓުލުމުގެ ފުރުސަތު

-	ނަރުހުން ތަމްރީނުކުރަން ފެއްޓެވުން

-	ހެލްތު ސެންޓަރުތައް ގާއިމްކުރެއްވުން

-	ފުރަތަ ހޮސްޕިޓަލް ގާއިމްކުރެއްވުން

-	ފުރަތަމަ އެއާޕޯޓު ގާއިމްކުރެއްވުން

-	ޓުއަރިޒަމް އިންޑަސްޓްރީ ތައާރަފްކުރެއްވުން

-	އިންޖީނުލީ މަސްދޯނި ތައާރަފްކުރެއްވުން

-	ފެލިވަރު މަސްބަންދުކުރާ ކާރުހާނާ ގާއިމްކުރެއްވުން

-	މޯލްޑިވްސް ޝިޕިންގ ލިމިޓެޑު ގާއިމްކުރައްވައި، ޝިޕިން ލައިން ފުޅާކުރެއްވުން

އިބްރާހިމް ނާސިރަކީ ވެލާނާގޭ މުހައްމަދު ދީދީގެ އަހުމަދު ދީދީގެ ބޭފުޅެކެވެ. މަންމާފުޅަކީ ފުވައްމުލަކު އައިޝަތު މޫސާ ދީދީއެވެ. ނާސިރުގެ ބައްޕަ ފަރާތު ބޮޑުބޭބޭފުޅަކީ ފުރަތަމަ ޖުމްހޫރިއްޔާގެ ނައިބުރައީސް ވެލާނާގޭ އިބްރާހިމް މުހައްމަދު ދީދީއެވެ. 

އިބްރާހިމް ނާސިރު ތިން ބޭފުޅަކާ ކައިވެނި ބައްލަވައިގެން، 5 ބޭފުޅުން ލިބިވަޑައިގެންނެވިއެވެ. 

ސޯސަންގޭ ތުއްތުދޮންގޮމާ (އައިޝަތު ޒުބައިރު) އާއި ކައިވެން ބައްލަވައިގެން ލިބިފަޑައިގެންނެވި ބޭފުޅަކީ އަހުމަދު ނާސިރެވެ. 

ބަގީޗާގޭ މަރިޔަމް ސައީދުއާއި ކައިވެނި ބައްލަވައިގެން ލިބިވަޑައިގެންނެވި ބޭފުޅުންނަކީ، މުހައްމަދު ނާސިރާއި އަލީ ނާސިރެވެ. 

ހިކިފިނިވެންމާގޭ ނަސީމާ މުހައްމަދު ކަލޭގެފާނާއި ކައިވެނި ބައްލަވައިގެން ލިބިވަޑައިގެންނެވި ބޭފުޅުންނަކީ، އިސްމާއީލް ނާސިރާއި އައިޝަތު ނާސިރެވެ. 

meehun

އިބްރާހިމް ނާސިރު

ދިވެހިރާއްޖޭގެ ފިލްމީ ދާޢިރާއިން ގިނަބައެއްގެ މަޤްބޫލްކަން ހޯދާފައިވާ، އިބްރާހީމް ޝާކިރު(ޝާކިރުބެ) ނިޔާވެއްޖެއެވެ.

މަޢުލޫމާތު ލިބިފައިވާ ގޮތުގައި ޝާކިރުބެ ނިޔާވެފައިވަނީ ސްޓްރޯކެއް ޖެހިގެން ހޮސްޕިޓަލުގައި ފަރުވާދެމުން ދަނިކޮށެވެ. ނިޔާވި އިރު އުމުރަކީ 85 އަހަރެވެ.

ޝާކިރުބެއަކީ ނުވަދިހައިގެ އަހަރުތަކުން ފެށިގެން ދިވެހި ގިނަ ފިލްމުތަކަކުން ފެނިގެން ގޮސްފައިވާ ދިވެހިން ދަންނަ ފަރިތަ މޫނެކެވެ. ފިލްމު ކުޅުމުގެ އިތުރުން ޝާކިރުބެ ވަނީ ޓީވީއެމުން ރޯދަމަަހަށް ހާއްޞަކޮށްގެން ގެނެސްދޭ  މުހައްމަދުރަސޫލުﷲ ގައި ހިމެނޭ މުހިންމު ބައެއް ކެރެކްޓާތަކަށް އަޑުވެސް އަޅަދީފައެވެ. 

ޝާކިރުބެ އަކީ ވަރަށް ގިނަދުވަސްތަކެއް ވަންދެން ޓެލެވިޒަން މޯލްޑިވްސް (ޓީވީއެމް)ގައި މަސައްކަތް ކުރައްވާފައިވާ ފަރާތެކެވެ. 35 އަހަރަށް ވުރެ ގިނަދުވަހު ޝާކިރުބެ ސަރުކާރަށް ޚިދުމަތް ކޮށްެދެއްވާފައި ވެއެވެ.

ކުރީގެ ޗީފް އޮފް ޑިފެންސް ފޯސް އަހުމަދު ޝިޔާމްގެ ބައްޕާފުޅު، ޝާކިރުބެގެ މައްޗަށް ކުރެވޭ ކަށުނަމާދު އޮންނާނީ މިއަދު މެންދުރު ނަމާދަށްފަހު މަސްޖިދުލް ޒައިދު ބިން ޘާބިތު (ހުޅުމާލެ ސަހަރާ މިސްކިތް) އެވެ. 

Shakirbe niyaa vejje

ޝާކިރުބެ ނިޔާވެއްޖެ

ކެޔޮފީނި އެޕިސޯޑް 2

Keyofeeni Episode 1 

ކެޔޮފީނި އެޕިސޯޑް 1

ލުބުނާނުގައި ހަރަކާތްތެރިވާ އދގެ ސުލްޙާއަށް މަސައްކަތްކުރާ ފަރާތްތަކުގެ ވޮޗްޓަވަރ އަކަށް އިޒްރާއިލްއިން ގަސްތުގައި ހަމަލާ ދީފައިވާކަމަށް އެޖަމާއަތުން ބުނެފިއެވެ. ދެކުނު ލުބުނާނުގައި އދ ން މީގެ ޓަވަރުތައް އެކި ސަރަޙައްދުތަކުގައި ހަރުކޮށްފައި ވެއެވެ. އެހުރިހާ ސަރަޙައްދެއްގައިވެސް އެޖަމާއަތުގެ މެމްބަރުންވެސް ޤާއިމްވެ ތިބޭނެއެވެ.

އިޒްރާއިލްގެ އަސްކަރިއްޔާގެ ބުލްޑޯޒަރުތަކުން ގަސްތުގައި ދިން ހަމަލާގައި ދެކުނު ލުބުނާނުގައި ހުރި އދ. ގެ އޮބްޒަވޭޝަން ޓަވަރު ވަނީ ހަލާކުކޮށްލާފައެވެ. އދ ގެ ޕެރިމީޓަރ ފެންސަށްވެސް ވަނީ ގެއްލުންދީފައެވެ. އެޖަމާއަތުން ނެރެފައިވާ ބަޔާނެއްގައި ބުނެފައިވާ ގޮތުން އިޒްރާއިލްއިން ކިތަންމެ ވަރަކަށް ފިއްތުންތައް ކުރިމަތި ކުރިމަތިކުރި ނަމަވެސް ލުބުނާނުގައި ހުރި އދ. ގެ އެއްވެސް ޕޯސްޓެއް ދޫކޮށް އެފަރާތްތައް ނުދާނެއެވެ.

'އަހަރެމެން (އިޒްރާއިލް ގެ ފޯސްތަކަށް) އަދި ސަރަޙައްދުގައި ހަރަކާތްތެރިވާ އެންމެންނަށް ހަނދާންކޮށްދެން އދ. ގެ މުވައްޒަފުންނަށް ސަލާމަތާއި ރައްކާތެރިކަން ފޯރުކޮށްދިނުމަކީ އެ އެންމެންގެ މައްޗަށްވެސް ބައިނަލްއަގުވާމީ ޤާނޫނޫން ލާޒިމު ކުރާ ކަމެއްކަން. އދ ގެ މުދަލާއި މުވައްޒަފުން ހިމެނޭހެން. އަދި އދގެ އިމާރާތްތަކަށް ދޭންޖެހޭ އިޙްތިރާމްވެސް ހުރިހާ ވަގުތެއްގައިވެސް ދިނުމަށް" ބަޔާނުގައި ވެއެވެ.

ބަޔާނުގައި އިޒްރާއިލްއިން ބައިނަލްއަގުވާމީ ޤާނޫނު މުގުރާލުންކަމަށް ބުނެ އެކަންކަން ހުއްޓާލުމަށް ވެސް ގޮވާލާފައިވެއެވެ.

Lebnan ga Sulha ah masahkkahkuraa faraah thakuge 'watchtower' Israil in halaaku kohlaifi

ލުބުނާނުގައި ސުލްޙައަށް މަސައްކަތްކުރާ ފަރާތްތަކުގެ 'ވޮޗްޓަވަރ' އިޒްރާއިލްއިން ހަލާކުކޮށްލައިފި

އިންޑިއާގެ "ޔުނިފައިޑް ޕޭމަންޓް އިންޓަރފޭސް" (ޔޫ.ޕީ.އައި) ރާއްޖެއަށް ތަޢާރުފުކުރުމަށްޓަކައި ކުރަންޖެހޭ ކަންކަން ކުރިއަށްގެންދިއުމަށް ވަޒީރުންގެ މަޖިލީހުގެ ލަފާފުޅާއެކު ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ނިންމަވައިފިއެވެ.

ރައީސުލްޖުމްހޫރިއްޔާ މިގޮތަށް ނިންމެވީ މިއަދު ބޭއްވެވި ވަޒީރުންގެ މަޖިލީހުގެ ބައްދަލުވުމުގައި މިނިސްޓަރ އޮފް އިކޮނޮމިކް ޑިވެލޮޕްމަންޓް އެންޑް ޓްރޭޑުން ހުށަހެޅުއްވި ކަރުދާހަށް ވަޒީރުންގެ މަޖިލީހުގައި މަޝްވަރާކުރެއްވުމަށްފަހުގައެވެ.

އެގޮތުން ޔުނިފައިޑް ޕޭމަންޓް އިންޓަރފޭސް" (ޔޫ.ޕީ.އައި) ތަޢާރަފުކުރުމަށްޓަކައި، ކޮންސޯޓިއަމްއެއް ގާއިމުކުރުމަށް ރައީސުލްޖުމްހޫރިއްޔާ ވަނީ ނިންމަވާފައެވެ. އަދި މި ކޮންސޯޓިއަމްގައި، ރާއްޖޭގެ ބޭންކުތަކާއި، ޓެލެކޮމް ކުންފުނިތަކާއި، ސަރުކާރުގެ ކުންފުނިތައް އަދި ދިވެހިރާއްޖޭގައި ހަރަކާތްތެރިވާ ފިންޓެކް ކުންފުނިތައް ހިމެނުމަށް އެމަނިކުފާނު ވަނީ ކަނޑައަޅުއްވާފައެވެ. އަދި މި ކޮންސޯޓިއަމް ލީޑް ކުރާނެ އޭޖެންސީއަކަށް އެމަނިކުފާނު ހަމަޖެއްސެވީ ޓްރޭޑްނެޓް މޯލްޑިވްސް ކޯޕަރޭޝަން ލިމިޓެޑެވެ.

މީގެ އިތުރުން ޔޫ.ޕީ.އައި ގާއިމުކުރުމުގެ މަސައްކަތް ވިލަރެސްކުރުމަށް، މިނިސްޓްރީ އޮފް އިކޮނޮމިކް ޑިވެލޮޕްމަންޓް އެންޑް ޓްރޭޑް ލީޑް ކުރާގޮތަށް، މިނިސްޓްރީ އޮފް ފިނޭންސް، މިނިސްޓްރީ އޮފް ހޯމްލޭންޑް ސެކިއުރިޓީ އެންޑް ޓެކްނޯލޮޖީ އަދި މޯލްޑިވްސް މަނިޓަރީ އޮތޯރިޓީ ހިމެނޭ އިންޓަރ އޭޖެންސީ ކޯޑިނޭޝަން ޓީމެއް އެކުލަވައިލުމަށްވެސް ރައީސުލްޖުމްހޫރިއްޔާ ވަނީ ނިންމަވާފައެވެ.

India ge UPI Raajje ah thaaraf kuran ninmaifi

އިންޑިޔާގެ ޔޫ.ޕީ.އައި ރާއްޖެއަށް ތަޢާރުފުކުރަން ނިންމައިފި

(ޖަކާޓާ, އިންޑޮނީޝިއާ) އިންޑޮނީޝިއާގެ 8 ވަނަ ރައީސް ކަމުގެ ހުވާ 73 އަހަރުގެ ޕްރޮބޯވޯ ސުބިއާންޓް ކުރައްވައިފިއެވެ. ދުނިޔޭގެ މުސްލިމް އާބާދީ އެންމެބޮޑު އިންޑޮނީޝިއާގެ ރައީސްކަމުގެ ހުވާ އާދިއްތަ ދުވަހު ކުރެއްވި ޕްރަބޯވޯއަކީ ކުރީގެ ޑިފެންސް މިނިސްޓަރެވެ. ސިފައިންގެ ޖެނެރަލެއްގެ ގޮތުގައި ހުރިއިރު އޭނާއަށްއަށް ވަނީ ޙައްޤުތައް ނިގުޅައިގެންކަމުގެ ތުހުމަތު ކުރެވިފައެވެ. އަސްކަރިއްޔާގައި ޕްރަބޯވޯ ހޭދަކުރެއްވި ދުވަސްވަރު މަޝްހޫރު ވެފައިވަނީ އަސްކަރިއްޔާގެ ހުދުމުޚުތާރު, ކަޅު ދުވަސްތަކުގެ ގޮތުގައެވެ. 

ރައީސްކަމުގެ ހުވާ ކުރެއްވިއިރު ޕްރްބޯވޯގެ އެތައްހާސް ސަޕޯޓަރުންނެއް ވަނީ ވަނީ އިންޑޮނީޝިއާގެ މަގުތަކަށް ނިކުމެ އުފާފާޅުކޮށްފައެވެ. ޤާނޫނު ހަދާ މަޖިލީހުގެ މެމްބަރުންނާއި ބޭރުގެ އިއްޒަރްތެރިންގެ ކުރިމަތީގައި ކީރިތި ޤުރުއާންގެ ކުރިމަތީގައި ހުވާ ކުރެވުއްވުމަށްފަހު ރައީސް ޕްރަބޯވޯ ވަނީ އެއްވެފައިވާ މީހުންނާ ބައްދަލުކުރައްވާފައެވެ. ބެނާތަކާއި ބިލް ބޯޑްތަކާއެކު ވެރިރަށް ޖަކާޓާގެ މަގުތައް މަތީގައި އާންމުން އެއްވެ ވަނީ އާރައީސް ވެރިކަމުގެ ހުވާ ކުރެއްވުމާއެކު ޖާފަތްތައްވެސް ބާއްވާފައެވެ.

އިންޑޮނީޝިއާގެ ސަގާފީ ހެދުން (ނޫކުލައިގެ ބޭޓާވީ އަދި ބޭސްބޯލް ކެޕް) ތުރުކުރައްވައިގެން ސަންރޫފް ހުދުކުލައިގެ ވޭން އެއްގެ މަތީގައި ހުންނަވާ ޕްރަބޯވޯ ވަނީ އެއްވެފައިވާ މީހުންނަށް އަތް ހޫރަމުން ޤާނޫނު ހަދާ މަޖިލީހުގެ ގެއިން ރިޔާސީ ގަނޑުވަރަށް ވަޑައިގެންނެވިއެވެ. ބައެއްފަހަރު މީހުންނާ ސަލާމްކުރައްވަމުން ކުރިއަށް ވަޑައިގެންނެވިއިރު އެވެފައިވާ މީހުން ޕްރަބޯވޯއަށް ކާމިޔާބަށް އެދި ގޮވަމުން ދިޔައެވެ. 

Kuryge General Prabovo Indonesia ge Raees kamuge huvaa kuravvaifi

 ކުރީގެ ޖެނެރަލް ޕްރަބޯވޯ އިންޑޮނީޝިއާގެ ރައީސް ކަމުގެ ހުވާ ކުރައްވައިފި

މިއަހަރުގެ ނޮވެމްބަރު 10 ވާ އާދިއްތަ ދުވަހަކީ ސަރުކާރު ބަންދު ދުވަހެއް ކަމުގައި ރައީސުލްޖުމްހޫރިއްޔާ ކަނޑައަޅުއްވައިފިއެވެ.

ނޮވެމްބަރު މަހުގެ 10 ވަނަ ދުވަސް ބަންދު ދުވަހެއްގެ ގޮތުގައި ކަނޑައެޅުއްވީ ހަފްތާ ބަންދާ, ޖުމްހޫރީ ދުވަހުގެ މެދަށް ރަސްމީ ދުވަހެއް ވަދެ, ހަފްތާ ބަންދަށް މެދުކެނޑުމެއް އަންނާތީއެވެ. ރައީސުލްޖުމްހޫރިއްޔާގެ އޮފީހުން ނެރުނު ދެންނެވުމުގައި ވަނީ އެދުވަސް ބަންދުކުރަން ރައީސުލްޖުމްހޫރިއްޔާ ނިންމެވީ ބަންދު ދުވަސްތަކަށް މެދުކެނޑުމެއް ނައިސް މުވައްޒަފުންނަށް ލިބޭގޮތަށް ހަމަޖައްވައި ދެއްވުމަށްޓަކައި ކަމަށެވެ.

ނޮވެމްބަރ މަހުގެ 10 ވަނަ ދުވަސް ބަންދުކުރުމުން އެހަފްތާގެ ހަފްތާ ބަންދާއި, އާދިއްތަ އަދި ހޯމަ ދުވަސް ސަރުކާރު ބަންދު ދުވަހުގެ ގޮތުގައި ލިބޭނެއެވެ. ހޯމަ ދުވަހަކީ ޖުމްހޫރީ ދުވަހެވެ. 

November 10 bandh

ނޮވެމްބަރު 10 ބަންދު

ރައީސުލްޖުމްހޫރިއްޔާގެ ނައިބު އަލްއުސްތާޛު ޙުސައިން މުޙައްމަދު ލަޠީފް، ކޮމަންވެލްތު އިސްވެރިންގެ ބައްދަލުވުން 2024 ގައި ބައިވެރިވެވަޑައިގަތުމަށް މިއަދު ސަމޯއާއަށް ފުރާވަޑައިގަންނަވައިފިއެވެ. އެމަނިކުފާނުގެ އަރިހުގައި ސަރުކާރުގެ މަތީ ފަންތީގެ ވަފުދެއް ބައިވެރިވެވަޑައިގަންނަވައެވެ.

ރައީސުލްޖުމްހޫރިއްޔާގެ ނައިބުގެ މި ދަތުރުފުޅުގައި ކޮމަންވެލްތު އިސްވެރިންގެ ބައްދަލުވުމުގެ ގިނަ ދަންފަޅިތަކުގައި ބައިވެރިވެވަޑައިގެން، މުހިންމު ބަޔާންތައް އިއްވެވުމަށް ހަމަޖެހިފައިވާ ކަމަށް ރައީސް އޮފީހުން ވިދާޅުވިއެވެ.

ކޮމަންވެލްތު އިސްވެރިންގެ ބައްދަލުވުމަކީ، ބައިނަލްއަޤުވާމީ ފެންވަރެއްގައި އިޤްތިޞާދީ، މޫސުމީ އަދި ސަލާމަތީ ގޮންޖެހުންތަކާ ކުރިމަތިލުމަށް އެކުގައި މަސައްކަތްކޮށް، ވިލުންތެރިކަމާއި، ވިޔަފާރި ކުރިއެރުވުމާއި ދެމެހެއްޓެނިވި ކުރިމަގެއް ބިނާކުރަން މަޝްވަރާކޮށް ގޮތް ނިންމުމަށް، މެންބަރު ޤައުމަކަށް ލިބޭ މުހިންމު މަންސައެކެވެ. އަދި މި އަހަރުގެ ބައްދަލުވުން ވެގެންދާނީ، އ.ދ.ގެ މޫސުމަށް އަންނަ ބަދަލުތަކާ ގުޅޭ 29 ވަނަ މަހާސިންތާ (ކޮޕް 29) ގެ ކުރިން، ދެމެހެއްޓެނިވި ތަރައްޤީ އާއި މޫސުމަށް އަންނަ ބަދަލުތަކާ ގުޅުންހުރި ފިޔަވަޅުތަކާމެދު މަޝްވަރާކުރުމަށް މެންބަރު ޤައުމުތަކަށް ލިބޭ މުހިންމު ފުރުޞަތަކަށެވެ.

2024 ވަނަ އަހަރުގެ ކޮމަންވެލްތު އިސްވެރިންގެ ބައްދަލުވުން ބޭއްވުމަށް ހަމަޖެހިފައިވަނީ، މިމަހުގެ 21 އިން 26 އަށެވެ.

Raeesuljumhooriyya ge naib Commonwealth issveringe bahdhaluvumah

ރައީސުލްޖުމްހޫރިއްޔާގެ ނައިބު ކޮމަންވެލްތް އިސްވެރިންގެ ބައްދަލުވުމަށް

މޯލްޑިވްސް ޕޯރޓްސް ލިމިޓެޑް (އެމްޕީއެލް) އިން އެއް މިލިއަން ގަސް އިންދުމުގެ ޕްރޮގްރާމެއް ފަށައިފިއެވެ. މި ޕްރޮގްރާމް ހިންގަނީ މުޅި ރާއްޖޭގައެވެ.

މިއީ މި އަހަރުގެ ދުނިޔޭގެ ތިމާވެށީގެ ދުވަހުގެ މުނާސަބަތާއި ގުޅުވައިގެން ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އިފްތިތާހުކޮށްދެއްވި ފަސް މިލިއަން ގަސް އިންދުމުގެ ޕްރޮގްރާމްގައި ބައިވެރިވުމަށް ފެށި ހަރަކާތެއް ކަމަށް އެމްޕީއެލްއިން ބުންޏެވެ. އެމްޕީއެލްގެ އަމާޒަކީ ރައީސްގެ ވައުދުގައި ހިމެނޭ ފަސް މިލިއަން ގަހުގެ ތެރެއިން އެއް މިލިއަން ގަސް އިންދުމެވެ. 

އެމްޕީއެލްގެ ސީއީއޯ މުޙައްމަދު ވަޖީހު ވިދާޅުވީ އެމްޕީއެލްއިން ގަސް އިންދުމުގެ ޕްރޮގްރާމް ކުރިއަށް ގެންދިއުމަށް ޚާއްޞަ ޓާސްކްފޯހެއްވެސް އުފައްދަވާނެ ކަމަށެވެ. ޕްރޮގްރާމް ކުރިއަށް ގެންދާނީ ޓާސްކްފޯހުގެ ބެލުމުގެ ދަށުން މުޅި ރާއްޖޭގައި ކަމަށް އޭނާ ވިދާޅުވިއެވެ. މީގެއިތުރުން އެމްޕީއެލްއިން ނިންމާފައިވަނީ ބޭނުންތެރި ގަސް އިންދަން އިސްކަންދީގެން ޕްރޮގްރާމް ކުރިއަށް ގެންދިއުމަށެވެ. 

އެމްޕީއެލްއިން އެއް މިލިއަން ގަސް އިންދުމުގެ ޕްރޮގްރާމް ފެށީ ތިލަފުށީގައި ވިޔަފާރި ބަނދަރު އެޅުމަށް ހަމަޖައްސާފައިވާ ސަރަހައްދުގައެވެ. އެއް މިލިއަން ގަސް އިންދުމުގެ ހަރަކާތް ފެށުމަށް އެމް.ޕީ.އެލްގެ ސީ.އީ.އޯ މުޙައްމަދު ވަޖީހް އިބްރާހީމް ވަނީ އެއް މިލިއަން ގަސް އިންދުމުގެ ޕްލެޖްގައި ސޮއިކުރައްވައި، މޫސުމީ ބަދަލުތަކާއި ތިމާވެއްޓާއި ހަކަތާއާ ބެހޭ ވަޒީރު  ޠާރިޤު އިބްރާހީމަށް ޕްލެޖްގެ ލިޔުން ހަވާލުކުރައްވާފައެވެ.

MPL in 1 Million gass indhany

އެމްޕީއެލްއިން އެއް މިލިއަން ގަސް އިންދަނީ

ރެއާލް މެޑްރިޑަށް ކުޅުނު އެންމެ އުމުރުން ދުވަސްވީ ކުޅުންތެރިއަކަށް އެކްލަބްގެ ތަރި ލުކަ މޮޑްރިޗް ވެއްޖެއެވެ.

ރެއާލްގެ ތާރީޚުން މޮޑްރިޗް އަނެއްކާވެސް ޖާގަ ހޯދީ ސްޕެނިޝް ލަލީގާގައި ރޭ ސެލްޓަ ވީގޯ އަތުން 2-1 ން މޮޅުވި މެޗުގައެވެ. މެޗުގެ ދެވަނަ ހާފްގައި މޮޑްރިޗް ކުޅެން ނިކުތުމާއެކު އޭނާ ވެފައިވަނީ ރެއާލްއަށް މެޗެއް ކުޅުނު އުމުރުން އެންމެ ދޮށީ ކުޅުންތެރިޔާ އަށެވެ. މޮޑްރިޗް ކުޅެން ނިކުއިން އިރު ދެޓީމް އޮތީ 1-1 ން އެއްވަރު ވެފައެވެ. ރެއާލް މޮޅުވި ލަނޑު 66 ވަނަ މިނިޓްގައި ވިނީޝިއުސް ޖޫނިއަރ ޖެނީ މޮޑްރިޗް ތަނަވަސްކޮށްދިން ފުރުޞަތަކުންނެވެ. މޮޑްރިޗް ކުޅެން ނިކުތީ 63 ވަނަ މިނިޓްގައެވެ. މޮޑްރިޗް ރެކޯޑް ހެދީ 39 އަހަރުގައެވެ.

މެޗުގައި ރެއާލްގެ ފުރަތަމަ ލަނޑު ޖެހީ 20 ވަނަ މިނިޓްގައި އެމްބާޕޭ އެވެ. ސެލްޓަ ވީގޯ އިން ނަތީޖާ ހަމަހަމަ ކުރީ 51 ވަނަ މިނިޓްގައި ވިލިއޮޓް ސްވެދްބާގް ޖެހި ލަނޑުންނެވެ.

މޮޅާއެކު ރެެއާލް މެޑްރިޑް ވަނީ އެއްވަނައިގައި އޮތް ބާސެލޯނާއާ ޕޮއިންޓްގެ ގޮތުން ހަމަހަމަ ކޮށްފައެވެ. އެއީ 24 ޕޮއިންޓް ހޯދައިގެންނެވެ. އެކަމަކު ރެއާލް ވަނީ ބާސެލޯނާއަށް ވުރެ އިތުރަށް މެޗެއް ކުޅެފައެވެ.

Real Madrid ah kulhunu enme umurun dhuvas vee kulhuntheri akag Modrich 

ރެއާލް މެޑްރިޑަށް ކުޅުނު އެންމެ އުމުރުން ދުވަސްވީ ކުޅުންތެރިއަކަށް މޮޑްރިޗް!

އިޒްރާއިލްއިން އެންމެ ބޭނުންވެފައިވާ ޚަމާސްގެ ލީޑަރު ޔަޙްޔާ ޞިންވާރުގެ މަރަކީ އިޒްރާއިލްއަށް ލިބުނު ބޮޑު ކާމިޔާބީއެކެވެ. ނަމަވެސް އިޒްރާއިލްއިން ޣައްޒާގައި ފަށާފައިވާ ހަނގުރާމައަށް އަހަރެއްވީއިރު އިޒްރާއިލްގެ ރައްޔިތުންނަށްވެސް ވަނީ ހަނގުރާމައިގެ އަސަރު ވަރަށްބޮޑަށް ކޮށްފައެވެ. މިއާއެކު އިޒްރާއިލްގެ ރައްޔިތުންގެ ފަރާތުން ދަނީ ޣައްޒާގައި ކުރަމުންދާ ހަނގުރާމަ ނިމުމަކަށް ގެންނަން ބޮޑުވަޒީރު ބެންޖަމިން ނަތަންޔާހުއަށް ވަރަށް ބޮޑަށް ފިއްތުންތައް ކުރިމަތި ކުރަމުންނެވެ.

ނަމަވެސް ޞިންވާރުގެ މަރަށްފަހުވެސް ނަތަންޔާހޫ ބުނެފައިވަނީ ޣައްޒާގެ ހަނގުރާމަ އޮތީ ކުރިއަށް ކަމަށާއި, މިއީ އަދި ނިމުމުގެ ފެށުންކަމަށެވެ. އަހަރެއްފާއިތުވެ ދިޔައިރު އިޒްރާއިލްއިން ޣައްޒާގައި ފެށި ހަނގުރާމަ މިވަނީ ލުބުނާނާއި ޔަމަނަށް ފުޅާވެފައެވެ. ނަތަންޔާހޫ ބުނެގައިވަނީ ހަނގުރާމަ ނިމޭނީ ޚަމާސްއިން ހަތިޔާރު ބަހައްޓާ, ޣައްޒާގައި ބާކީ ތިބި 101 ރަހީނުން ދޫކޮށްލުމުން ކަމަށެވެ.

އިޒްރާއިލްއިން އިން ލުބުނާން, ފަލަޞްޠީން އަދި އީރާނަށް ދިން ހަމަލާތަކުގައި ޚަމާސް, އަދި ހިޒްބުالله ގެ އެންމެ އިސް ލީޑަރުން ވަނީ އަވަހާރަކޮށްލާފައެވެ. އޭގެތެރޭގައި ޚަމާސްގެ ޕޮލިޓިކަލް ބިއުރޯގެ ޗީފް އިސްމާއިލް ޙަނިއްޔާ ޖުލައި މަހު އީރާންގެ ވެރިރަށް ތެޙްރާންގައި ވަނީ އަވަހާރަކޮށްލާފައެވެ. އޭގެ ފަހުން ޚަމާސްގެ ލީޑަރުގެ ގޮތުގައި އައްޔަނުކޮށްފައިވާ ޔަޙްޔާ ޞިންވާރު ބުދަ ދުވަހު ރަފަޙްގައި ވަނީ އަވަހާރަކޮށްލާފައެވެ. ސެޕްޓެމްބަރ 23 ގައި ލުބުނާނަށް ދޭންފެށި ހަމަލާތަކަށް ހަފުތާއެއް ވީއިރު ހިޒްބުالله ލީޑަރު ޙަސަން ނަޞްރުالله ލުބުނާނުގައި ވަނީ އަވަހާރަކޮށްލާފައެވެ.

"އަހަންނަށް ހީވަނީ މި ދަނޑިވަޅަކީ ޣައްޒާގައި ކުރަމުންދާ ހަނދުރާމަ ހުއްޓާލަން ލިބޭނެ އެންމެ ރަނގަޅު ފުރުޞަތުހެން" ޕްރޯ އިޒްރާއިލީ ޑިއާން އަދި ގިލްފޯޑް ގްލޭޒަރ ފައުންޑޭޝަންގެ ޕޮލިސީ ރިސާޗްގެ ސީނިއާ ޑިރެކްޓަރ ޝިރާ އެފްރޮން ރޮއިޓާސްއަށް މަޢުލޫމާތުދެމުން ބުނެފައި ވެއެވެ.

ނަމަވެސް ޚަމާސްއިން އަދި އެމީހުންގެ ލީޑަރުގެ މަރަށްފަހު ރެސްޕޮންޑު ކުރާނެ ގޮތެއް ކަނޑައެޅިގެން ބުނާކަށް ނޭނގެއެވެ. އިޒްރާއިލްއިން އާނމުކޮށްފައިވާ ވީޑިއޯ ފުޓޭޖުން ފެންނަ ގޮތުގައި ހަލާކުވެފައިވާ އިމާރާތެއްގެ ތެރޭގައި ހުރި ސޯފާތަކެއްގައި ޔަޙްޔާ ޞިންވާރު އިށިއިނދެގެން އިންނަ އިރު އޭނާ އިނީ ވަރަށް ބޮޑަށް ޒަޙަމްވެފައެވެ. އެއީ ޞިންވާރުގެ އެންމެ ފަހުވަގުތު ކޮޅެވެ. މަރާލުމަށްފަހު ޞިންވާރުގެ ހަށިގަނޑުވަނީ އިޒްރާއިލްއަށް ގެންގޮސްފައެވެ.

ހުކުރު ދުވަހު ޚަމާސްގެ ޑެޕިއުޓީ ހެޑް ޙަލީލް އަލް ޙައްޔާ ބުނެފައިވާ ގޮތުގައި އިޒްރާއިލްއިން ޣާއްޒާގައި ހިންގަމުންގެންދާ ހަމަލާތައް ހުއްޓާލާ, ޣައްޒާ ދޫކޮށް ނުދަނީސް ރަހީނުން މިނިވަން ނުކުރާނެއެވެ.

Siwar ge marahfahu Gaza gai kuramundhaa hanguraama huttaalumah Natanyahu ah fihthunthah ithuruvanee

ސިންވާރުގެ މަރަށްފަހު ޣައްޒާގައި ކުރަމުންދާ ހަނގުރާމަ ހުއްޓާލުމަށް ނަތަންޔާހޫއަށް ކުރަމުންދާ ފިއްތުންތައް އިތުރުވަނީ

ރާއްޖެއާއި ބަނގްލަދޭޝްގެ ސީނިއަރ ޤައުމީ ފުޓްބޯޅަ ޓީމް އަންނަ މަހު ރަހުމަތްތެރި ކަމުގެ ދެމެޗެެއްގައި ވާދަކުރަން ހަމަޖެހިއްޖެއެވެ. މިކަން ދެގައުމުގެ ފުޓްބޯޅަ އެސޯސިއޭޝަނުންވެސް ވަނީ އިއުލާނުކޮށްފައެވެ.

ނޮވެމްބަރު މަހު ދެ މެޗުވެސް ކުޅޭނީ ބަނގްލަދޭޝްގައެވެ. ފުރަތަމަ މެޗު ކުޅޭނީ ނޮވެމްބަރު 13 ވަނަ ދުވަހު އެވެ. ދެވަނަ މެޗު ކުޅޭނީ 16 ވަނަ ދުވަހު އެވެ. ދެމެޗުވެސް ކުޅޭނީ ބަޝުންދުރަ ކިންގްސް އެރީނާގައެވެ.

ރާއްޖޭގެ ސީނިއަރ ޓީމް އެންމެ ފަހުން މެޗެއް ކުޅެފައިވަނީވެސް ބަނގްލަދޭޝްއާ ދެކޮޅަށެވެ. މިދިޔަ އަހަރުގެ އޮކްޓޯބަރު މަހު ވަރލްށްކަޕް ކޮލިފިކޭޝަންގައި މާލޭގައި ކުޅުނު މެޗު ނިމުނީ 1-1 ން އެއްވަރު ވެގެންނެވެ. 

ޤައުމީ ޓީމުން އެކުވެރިކަމުގެ ދެ މެޗު ކުޅެން ނިންމިއިރު ރާއްޖޭގެ ފުޓްބޯޅަ ސީޒަން މިއަހަރު ފެށޭނެކަން ޔަގީނެއް ނޫނެވެ. މާޒިޔާ ފިޔަވާ އެހެން ކްލަބެއްގެ ތައްޔާރީއެއް ނެތެވެ. މާޒިޔާވެސް ތައްޔާރުވަނީ އޭއެފްސީގެ މުބާރާތުގައި ވާދަކުރަން ޖެހޭތީއެވެ. މާޒިޔާއިން ތައްޔާރުވަނީ ބިދޭސީ ކުޅުންތެރިން ހިމެނޭހެން ވަރުގަދަ ސްކޮޑަކާއެކުއެވެ. ރާއްޖޭގައި ފުރަތަމަ ޑިވިޝަންގައި ކްލަބްތައް ބޯޅަ ނުކުޅޭތާ އަހަރަކަށްވުރެ ގިނަ ދުވަސް ވެއްޖެއެވެ. އެފްއޭއެމް ހިންގަމުން ދަނީ ނޯމަލައިޒޭޝަން ކޮމިޓީއަކުންނެވެ.

ޤައުމީ ޓީމް ކުޅޭ އެކުވެރިކަމުގެ ދެ މެޗުގައި ޓީމަށް އިރުޝާދުދޭނީ ކޯޗު އަލީ ސުޒޭން އެވެ. އޭނާގެ އެހީތެރިއަކީ ހަމަޖައްސާފައިވަނީ މާޒިޔާގެ އެސިސްޓެންޓް ކޯޗު އަހުމަދު ސުޒެއިރު ކަމަށް މައުލޫމާތު ލިބެއެވެ. ސް ސުޒޭންގެ އެހީތެރިއަކަށް މަސައްކަތް ކޮށްފައެވެ. 