ވަގު ފޯމް ފުރި މައްސަލާގެ ޖިނާއީ ތަހުގީގެއް ކޮށްދޭން ފުލުހުންނާއި އޭސީސީގައި އެމްޑީޕީން އެދިއްޖެ އެވެ.

އެމްޑީޕީން މިއަދު ބުނީ ރައްޔިތުންގެ ޒާތީ މައުލޫމާތުން ވައްކަންކޮށް، ވަގު ފޯމު ފުރައިގެން ސަރުކާރު ހިންގާ ޕީއެންސީއަށް ވެއްދި މައްސަލާގައި ހިމެނޭ ޖިނާއީ ކުށްތައް ތަހުގީގު ކުރުމަށް ފުލުހުންނާއި އޭސީސީއަށް ހުށަހަޅާފައިވާ ކަމަށެވެ. އަދި މި މައްސަލަތައް ތަހުގީގު ކުރުމަށް އެ ދެ އިދާރާގެ މައްޗަށް އަމުރުކޮށްދެއްވުމަށް ޕީޖީގައި ވެސް އެދިފައިވާކަމަށް އެމްޑީޕީން ބުންޏެވެ. 

ޕީއެންސީން ހުށަހެޅި އެއްވެސް ފޯމެއް ޕްރޮސެސް ނުކުރުމަށާއި، ޕްރޮސެސް ކުރި ފޯމުތައް ކެންސަލްކޮށް، އެ ފޯމުތަކުގެ ސައްހަކަން އަލުން ކަށަވަރުކުރުމަށް އިލެކްޝަންސް ކޮމިޝަންގައިވެސް އެދިފައިވާ ކަމަށް އެމްޑީޕީން ބުންޏެވެ.

Vagi form furi massala ge jina are thahugeeg ehnkohdheyn MDP in edhijje

ވަގު ފޯމް ފުރި މައްސަލާގެ ޖިނާއީ ތަހުގީގެއް ކޮށްދޭން އެމްޑީޕީން އެދިއްޖެ

އަންނަ އާދިއްތަ ދުވަހުން ފެށިގެން 6 ހަފުތާގެ މުއްދަތަށް އިޒްރާއިލް-ހަމާސްގެ ހަމަލާތައް ހުއްޓާލަން ދެފަރާތުން އެއްބަސްވެފައިވާކަމަށް އިއުލާނުކުރީ ބުދަ ދުވަހުއެވެ. މަޝްވަރާ ތަކުގެ މެދުވެރިއެއްގެ ދައުރު އަދާކުރި ޤަތަރުން ވަނީ އެއްބަސްވުމުގައި ހިމެނޭ ކަންތަން އާންމުކޮށް އިއުލާން ކޮށްފައެވެ.

އެއްބަސްވުމާ އެއްގޮތަށް އިޒްރާއިލް އިން އަމަލުކުރާނެ ކަމާމެދު ދުނިޔޭގެ ނަޒަރުގައި އިތުބާރު ނެތްއިރު އިޒްރާއިލްއިންވެސް ބުނެފައިވަނީ އެއްބަސްވުމުގެ ހުރިހާ ބަޔަކަށް އަދި މުޅިން އެއްބަސް ނުވެވޭ ކަމަށެވެ. 

މި ހިނގާ ޖެނުއަރީ 19 ން ފެށިގެން ހަމަލާތައް ހުއްޓާލުމަށް އެއްބަސްވިކަން އިޢުލާން ކުރިފަހުން އިޒްރާއިލްއިން މިހާތަނަށް ވަނީ ޣައްޒާގެ 82 މީހަކު ޝަހީދުކޮށްލާފައެވެ. އަލްޖަޒީރާ އިން ރިޕޯޓްކޮށްފައިވާ ގޮތުގައި އޭގެ ތެރެއިން 30 މީހަކު ޝަހީދުކޮށްލާފައިވަނީ ޣައްޒާ ސިޓީގައެވެ. 

އިޒްރާއިލްގެ ހަމަލާތަކަށް އަދި ހުއްޓުމެއް ނުވަތަ މަޑު ޖެހުމެއް ނެތްއިރު, ރޭ ޣައްޒާގެ އެއް ގެއަކަށް ދިން ހަމަލާއެއްގައި އެ ގޭގައި ތިބި 18 މީހުންވެސް ވަނީ ޝަހީދުވެފައެވެ. މިއީ ޣައްޒާ ސިޓީގެ އިންޖިނިއަރިންގ ޔޫނިއަން ބިލްޑިންގ ކައިރީގައި ހުރި ގެއެއްކަމަށް އެ ސަރަޙައްދުގައި ހުރި އަލްޖަޒީރާގެ ކަރެސްޕޮންޑެންޓާއި ހަވާލާދީ އެ ނޫހުގައި ވެއެވެ.

ފަލަޞްތީނުގެ ސިވިލް ޑިފެންސުން ބުނި ގޮތުގައި ޣައްޒާ ސިޓީގެ ޝެއިޚް ރަދުވާން ސަރަހައްދުން ޝަހީދުވެފައިވާ 12 މީހެއްގެ ހަށިގަނޑުވެސް ވަނީ ފެނިފައެވެ.

ހަމަލާތައް ހުއްޓާލުމުގެ އެއްބަސްވުމަށް އަމަލުކުރަން ފެށުމާއި އެކު ދެފަރާތުން ހަމަލާތައް ހުއްޓާލާ އިޒްރާއިލް ސިފައިން ޣައްޒާއިން ފައިބަން ފަށާނެކަމަށް އެއްބަސްވުމުގައި ވެއެވެ. އަދި ހަމާސްގެ އަތްދަށުގައި ތިބި އަސީރުންގެ ތެރެއިން 33 އަސީރުން މިނިވަން ކުރުމަށްވެސް ވަނީ ހަމަޖެހިފައެވެ. އަސީރުންގެ ބަދަލުގައި އިޒްރާއިލްގެ ޖަލުތަކުގައި ތިބި ފަލަޞްޠީނުގެ ޤައިދީންގެ ތެރެއިން އެތައް ސަތޭކަ ބަޔަކު މިނިވަން ކުރުމަށްވެސް ވަނީ ހަމަޖެހިފައެވެ.

އެއްބަސްވުމުގެ ފުރަތަމަ މަރުޙަލާ ނިމުމުގެ ކުރިން ޣައްޒާއަށް އެހީގެ 600 ޓްރަކް ވަނުމުގެ އިންތިޒާމް ހަމަޖެހިގެންދާނެއެވެ. އަދި ޣައްޒާގެ އެކި ސަރަޙައްދުތަކުގައި ވިއްސި ވިލާލިވެފައިވާ މީހުން އެމީހުންގެ ގެދޮރަށް އަނބުރާ ދިއުމުގެ ފުރުޞަތުވެސް ލިބިގެންދާނެއެވެ.

Hamalaa thah huttaalumaa gulhey ehbasvun iulaanu kuri fahun Israil in Ghaza ga 82 meehun shaheedh kohlaifi

ހަމަލާތައް ހުއްޓާލުމާގުޅޭ އެއްބަސްވުން އިއުލާނުކުރި ފަހުން އިޒްރާއިލްއިން ޣައްޒާގައި 82 މީހުން ޝަހީދުކޮށްލައިފި

ނުރައްކާ އަދިވެސް އެބައޮތް

އެމެރިކާގެ ފެސިފިކް ޕަލިސޭޑްސްގައި ޖެނުއަރީ 9 ވަނަ ދުވަހު ރޯވި އަލިފާންގަނޑު ކޮންޓްރޯލް ކުރެވިފައި ވީނަމަވެސް އަދިވެސް ނުރައްކާ އެބައޮތްކަމަށް އެގައުމުގެ މޫސުމާބެހޭ ހިދުމަތުން ބުނެފިއެވެ.

'ސަންޓާ އަނާ' ގެ ނަން ދީފައިވާ ބާރުގަދަ ވަޔާއެކު 8 މަސްދުވަސްވަންގެން ވާރޭ ނުވެހި ހަނަފަސްކަން މަތީގައި އޮތް ލޮސް އެންޖެލިސްގެ ބޮޑު ސަރަޙައްދަކަށް އަލިފާންގަނޑު ވަނީ ދާދި އަވަހަށް ފެތުރިފައެވެ. ހަތަރު ދުވަސް ފަހުން ވައިގެ ބާރުމިން ކުޑަކޮށް ދަށްވުމަށްފަހު ފާއިތުވި ދެދުވަހު ވާއިގެ ބާރުމިން އެސަރަޙައްދުގައި ވަނީ ގަޑިއަކު 80 ކިލޯމީޓަރާ 112 ކިލޯމީޓަރަށް މަތިވެފައިވެއެވެ.

ބުރާސްފަތި ދުވަހު ވައިޖެހޭ މިންވަރު ދަށްވެފައި ވީނަމަވެސް ބައެއް ސަރަޙައްދުތަކުގައި ރޯވެފައިވާ އަލިފާން އަދިވެސް ހުރުމާއެކު ނުރައްކާއެއްކޮށް ނެތިގެން ނުދާކަމަށް މޫސުމާބެހޭ ޚިދުމަތުން ވަނީ ބުނެފައެވެ.

އަލިފާނާއެކު އެސަރަހައްދުގެ 6.5 މިލިއަން މީހުން ނުރައްކަލެއްގެ ތެރޭގައި ތިބިއިރު 25 މީހަކު ވަނީ އަލިފާނުގައި މަރުވެފައެވެ. 40,000 އޭކަރުގެ ސަރަޙައްދެއް އަނދާ އަޅިއަޅިއަށް ވެފައިވާއިރު މިއީ ގާތްގަނޑަކަށް ވޮޝިންގްޓަން އާ އެއްވަރުގެ ސަރަޙައްދެކެވެ.

ކެލިފޯނިއާ ސިޓީގެ އެކި ސަރަޙައްދުތަކުގައި ރޯވި އަލިފާންގަނޑުގައި 12,000 ށް ވުރެ ގިނަ އިމާރާތްވެސް ވަނީ އަނދާ އަޅިއަށް ވެފައެވެ. އޭގެ ތެރޭގައި މަލީބޫ ބީޗް ސަރަޙައްދުގައި ހުރި ހޮލީވުޑް ސެލެބްރިޓީންގެ އަގުބޮޑު އެތައް ގެއެއްވެސް ވަނީ އަނދައިގެން ގޮސްފައެވެ.

އަލިފާން ފެތުރުނު ސަރަޙައްދުތަކުން 200,000 އަށް ވުރެ ގިނަ މީހުން އެހެން ސަރަހައްދުތަކަށް ބަދަލުކުރެވުނު އިރު 82,400 މީހަކު މިހާރުވެސް ތީބީ ރައްކާތެރިކަމުގެ އަމުރު މަތީގައެވެ. އިތުރު 90,400 މީހަކު އަދި ރައްކާތެރި ހިސާބުތަކަށް ބަދަލުކުރަންޖެހިދާނެކަންވެސް ވަނީ އަންގާފައެވެ.

އަލިފާން ނިއްވުމުގެ މަސައްކަތުގައި 8,500 ފަޔަރ ފައިޓަރުން ހަރަކާތްތެރިވާއިރު އަވައްޓެރި ކެނަޑާއާއި މެކްސިކޯއިންވެސް ދަނީ އަލިފާން ނިއްވުމުގައި އެޤައުމުގެ ތަކުގެ އިންސާނީ އަދި އެހެނިހެން ވަސީލަތްތަކުގެ އެހީތެރިކަން ދަނީ ފޯރުކޮށްދެމުންނެވެ.

Los Angeles alifaan: Rah dhidhage inzaaru nagaifi

ލޮސް އެންޖެލިސް އަލިފާން: 'ރަތް ދިދަ' އިގެ އިންޒާރު ނަގައިފި

ޣައްޒާއަށް ދޭ ހަމަލާތައް މެދުކަނޑާލަން ނިންމަން މެދުވެރި ވެދިން ފަރާތްތަކުން ކުރި މަސައްކަތް ފާހަގަ ކުރައްވައި، އެ ފަރާތްތަކުގެ އަގު ވަޒަންކުރައްވާ ކަމުގައި ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ވިދާޅުވެއްޖެއެވެ. ރައީސުލްޖުމްހޫރިއްޔާ މިގޮތަށް ވިދާޅުވީ، ޣައްޒާއަށްދޭ ހަމަލާތައް ހުއްޓާލަން ނިންމުމާއި ގުޅިގެން، އެ މަނިކުފާނުގެ ޝުޢޫރުފާޅުކުރައްވައި "އެކްސް" މެދުވެރި ކުރައްވައި ރޭ ކުރެއްވި ޕޯސްޓެއްގައެވެ.

މި ޕޯސްޓުގައި އެމަނިކުފާނު ވަނީ، ހަމަލާތައް ހުއްޓާލުމަކީ ހިތްޕުޅަށް ލިބިވަޑައިގަތް ހަމަޖެހުމެއްގެ ގޮތުގައި ސިފަކުރައްވައިފައެވެ.

ހަމަލާތައް ހުއްޓާލުމަށް ނިންމި ނިންމުން ދެމެހެއްޓުމަށާއި، ގެދޮރު ގެއްލިފައިވާ މީހުންނަށް އެމީހުންގެ ވަޒަނަށް އަނބުރާ ދެވޭނެ ފުރުޞަތު ފަހިކޮށްދިނުމަށާއި، އިންސާނީ އެހީ އަށް ފުރުޞަތު ދިނުމަށް، ބައިނަލްއަޤުވާމީ މުޖުތަމަޢުގެ ކިބައިން އެމަނިކުފާނު އެދިވަޑައިގެންނެވިއެވެ. އެމަނިކުފާނު ވަނީ، އިސްރާއީލުން ފަލަޞްޠީނަށް ދިން ހަމަލާތަކުގައި އެ ޤައުމުގެ ރައްޔިތުންނަށް ލިބުނު ގެއްލުމުގެ ބަދަލުދޭން ޖެހޭނޭކަމަށް ވިދާޅުވެފައެވެ. އަދި އިސްރާއީލުން ދިން ހަމަލާތަކުގައި ސުންނާފަތިވެފައިވާ ޢިމާރާތްތަކާއި ބިނާރު، އަލުން އާރާސްތުކުރުމަށް ބޭނުންވާ އަވަސް އެހީ ފަލަޞްޠީނަށް ފޯރުކޮށްދިނުމަށް ވެސް އެމަނިކުފާނު ގޮވައިލެއްވިއެވެ.

ފާއިތުވެ ދިޔަ 15 މަސް ދުވަހުގެ ތެރޭގައި ދިވެހިރާއްޖެއިން ވަނީ، ބައިނަލްއަޤުވާމީ އެކި މަންސަތަކުގައި ފަލަޞްޠީނުގެ އުޚުއްވަތްތެރި ރައްޔިތުންގެ ޙައްޤުގައި ގިނަ މަސައްކަތްތަކެއް ކޮށްފައެވެ. އެގޮތުން، އދގެ ސަލާމަތީ މަޖިލީހުގެ 79 ވަނަ ސެޝަންގައި ތަޤުރީރުކުރައްވަމުން ރައީސުލްޖުމްހޫރިއްޔާ ވަނީ ޤައުމަކުން އިންސާނީ ޙައްޤުތަކަށް އަރައިގަންނަ ހިނދު، އެކަން ތަޙައްމަލުކޮށްގެން ތިބެގެން ނުވާނެ ކަމަށް ވިދާޅުވެފައެވެ. އަދި އެފަދަ ޙާލަތެއްގައި، އެ ޤައުމެއްގެ ކުޑަބޮޑު މިނަކީ ނުވަތަ އެ ޤައުމެއްގެ މުއްސަނދިކަމަކީ ބަހަނާއަކަށް ވެގެން ނުވާނޭކަމަށްވެސް ރައީސުލްޖުމްހޫރިއްޔާ ވިދާޅުވިއެވެ.

ޤާނޫނުގެ ވެރިކަން ނެގެހެއްޓުމުގެ މުހިއްމުކަން ފާހަގަކުރައްވައި، ރައީސުލްޖުމްހޫރިއްޔާ ވަނީ އދ.ގެ ފުރިހަމަ މެންބަރުކަން ފަލަސްޠީނަށް ދިނުމަށް ގޮވާލައްވައިފައެވެ. މީގެ އިތުރުން، ފަލަސްތީނުގައި ހިންގަމުންގެންދިޔަ ޤަތުލުޢާންމު އާ ދެކޮޅަށް ބައިނަލްއަޤުވާމީ ކޯޓުތަކަށް ހުށަހެޅި ބޮޑެތި މައްސަލަތަކުގައި، ފަލަޞްޠީނުގެ ރައްޔިތުންގެ ޙައްޤުގައި ވަކާލާތު ކޮށްދިނުމަށް، ދިވެހިރާއްޖެއިން ވަނީ ތަދައްޚުލުވެފައެވެ.

Ghaza ah dhey hamalaa thah medhukandaalan ninman medhuverivi faraah thakuge agu vazan kuran- Raees Muizzu

ޣައްޒާއަށް ދޭ ހަމަލާތައް މެދުކަނޑާލަން ނިންމަން މެދުވެރި ފަރާތްތަކުގެ އަގު ވަޒަންކުރަން - ރައީސުލްޖުމްހޫރިއްޔާ

މަސްތުވާތަކެތި ބޭނުންކޮށް، ގެންގުޅެ އަދި އެތަކެތީގެ ވިޔަފާރިކުރާ މައްސަލައެއްގައި ތިން މީހަކު ހައްޔަރުކޮށްފިއެވެ.

ފުލުހުން ބުނީ މަސްތުވާތަކެތި ބޭނުންކޮށް، ގެންގުޅެ އަދި އެތަކެތީގެ ވިޔަފާރިކުރާކަމަށް ތުހުމަތުކުރެވޭ މައްސަލައާ ގުޅިގެން  ތިން މީހުން ހައްޔަރުކުރީ މާލޭގައި ހިންގި މަސްތުވާތަކެތީގެ އޮޕަރޭޝަނެއްގައި ކަމަށެވެ. ހޯމަ ދުވަހު ހިންގި އޮޕަރޭޝަންގައި ފުލުހުން ހައްޔަރުކުރީ ގއ. މާމެންދޫ / މޫނިމާގެ، ނަޒީހް ޝަރީފް (27އ) އާއި ޏ. ފުވައްމުލައް / ދަޑިމަގު، ވައިގެ، މުޙްސިން މުޙައްމަދު (31އ) އަދި މާލެ، ދަފްތަރު ނަންބަރު ދރ.465، މުޙައްމަދު ޝާން ޢަބްދުލްޣަނީ (40އ) އެވެ.

ތިން މީހުން ހައްޔަރުކޮށް ބަލައިފާސްކުރިއިރު މަސްތުވާތަކެތިކަމަށް ބެލެވޭ ތަކެތި ފެނުނު ކަމަށް ފުލުހުން ބުންޏެވެ. އަތުލައިގަން ތަކެތީގެ ވަގުތީ ބަރުދަނުގައި 98.37 ގުރާމް ހުރި ކަމަށް ފުލުހުން ބުންޏެވެ. ކްރިމިނަލް ކޯޓުން ވަނީ އެ ތިން މީހުން ވެސް 15 ދުވަހަށް ބަންދުކުރުމަށް އަމުރުކޮށްފައިވެއެވެ.

މިއީ ކައުންޓަރ ނާކޮޓިކްސް އިންޓެލިޖެންސާއި ޑްރަގް އެންފޯސްމަންޓު ގުޅިގެން ހިންގި އެ އޮޕަރޭޝަނެކެވެ. މައްސަލަ ތަހުގީގު ކުރަމުންދާ ކަމަށް ފުލުހުން ބުންޏެވެ.

Masthuvaathakethy ge massala eh ga 3 meehaku hayyaru kohfi

މަސްތުވާތަކެތީގެ މައްސަލައެއްގައި ތިން މީހަކު ހައްޔަރުކޮށްފި

ކުރިއަށް އޮތް ފެބުރުއަރީ 6 ވަނަ ދުވަހަކީ ސަރުކާރު ބަންދު ދުވަހެއްގެ ގޮތުގައި ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ހަމަޖައްސަވައިފިއެވެ. ފެބްރުއަރީ ހަވަނަ ދުވަސް ބަންދު ދުވަހެއްގެ ގޮތުގައި ހަމަޖެއްސެވީ، ދިވެހިރާއްޖޭގެ ޖުމްހޫރިއްޔާގެ ޤާނޫނުއަސާސީގެ 84ވަނަ މާއްދާގައިވާ ގޮތުގެމަތިން، ކޮންމެ އަހަރަކު ރައްޔިތުންގެ މަޖިލީހަށް ރައީސުލްޖުމްހޫރިއްޔާ ރިޔާސީ ބަޔާން އިއްވަވާ ދުވަހަކީ، ސަރުކާރު ބަންދު ދުވަހެއްގެގޮތުގައި ހަމަޖެއްސެވުމާ ގުޅިގެންނެވެ.

ރައްޔިތުންގެ މަޖިލީހަށް ރައީސުލްޖުމްހޫރިއްޔާ މި އަހަރު ރިޔާސީ ބަޔާން އިއްވަވާ ދުވަހަކީ ފެބްރުއަރީ 6 ވަނަ ދުވަހެވެ. އެއީ ރައްޔިތުންގެ މަޖިލިހުގެ މިއަހަރުގެ ފުރަތަމަ ދައުރުގެ ފުރަތަމަ ޖަލްސާ އޮންނަ ދުވަހެވެ. 

ފެބްރުއަރީ 6 ބުރާސްފަތި ދުވަސް ސަރުކާރު ބަންދު ދުވަހެއްގެ ގޮތުގައި ކަނޑައެޅުއްވުމުން ސަރުކާރު މުވައްޒަފުންނަށް ވިދިވިދިގެން ބަންދު 3 ދުވަސް ލިބޭނެ އެވެ.

February 6 sarukaaru bandh

ފެބްރުއަރީ 6, ސަރުކާރު ބަންދު

ކިޑްނީ ޓްރާންސްޕްލާންޓަށް އިސްކަންދީގެން ތައިލެންޑާއި ޔޫއޭއީން އާސަންދައިގެ ޚިދުމަތަށް ހުޅުވާލައިފިއެވެ.

އާސަންދަ ކުންފުނިން މިއަދު ވަނީ ތައިލެންޑް އަދި ޔުނައިޓަޑް އެރެބް އެމިރޭޓްސް (ޔޫ.އޭ.އީ) އިން އާސަންދައިގެ ދަށުން ޚިދުމަތް ދިނުމަށް އެމްޕެނަލްވެފައިވާ ހޮސްޕިޓަލްތަކުން އާސަންދަ ސްކީމްގެ ޚިދުމަތް ދޭގޮތަށް ހުޅުވާލާފައެވެ. ތައިލޭންޑް އަދި ޔޫ.އޭ.އީ ގެ އާސަންދަ ޚިދުމަތް ފޯރުކޮށްދޭ މަރުކަޒުތަކަށް ބަލިމީހުން ފޮނުވަން ފަށާއިރު ފުރަތަމަ އިސްކަން ދެނީ ކިޑްނީ ޓްރާންސްޕްލާންޓް ކުރުމަށް ބޭނުންވާ މީހުންގެތެރެއިންވެސް ޢާއިލާގެ ތެރެއިން ކިޑްނީ ޑޮނޭޓްކުރާނެ ފަރާތެއް ނުލިބުމުގެ ސަބަބުން ކިޑްނީ ޓްރާންސްޕްލާންޓް ނުކުރެވި އެކަމުގެ ވޭން ތަޙައްމަލް ކުރަމުންދާ ފަރާތްތަކަށެވެ. އެއީ، މިހާތަނަށް އާސަންދައަށް އެމްޕެނަލް ކުރެވިފައިވާ ގައުމުތަކުގެ އުޞޫލުތައް ކަނޑައެޅިފައިވާ ގޮތުން، ކިޑްނީ ޑޯނަރަކީ "ފަސްޓް ޑިގްރީ ޑޯނަރ" އަކަށްވުން އެ ޤައުމުތަކުގެ ޤާނޫނާ ގަވާއިދުތަކުން ލާޒިމުވުމުގެ ސަބަބުން ފަރުވާ ކުރިއަށް ގެންދެވިފައިނުވާ ފަރާތްތަކެވެ. 

އާސަންދަ ސްކީމަށް އިތުރުކުރެވިގެންމިދާ އެމްޕެނަލްމަންޓާއެކު މިފަދަ ހާލަތުގައިވާ ފަރާތްތަކަށް ކިޑްނީ ޓްރާންސްޕްލާންޓްކުރުމުގެ މަގުފަހިވެގެންދާނެ ކަމަށް އެކުންފުނިން ބުންޏެވެ. ދެވަނަ ބައެއްގެ ގޮތުގައި ރާއްޖެ، އިންޑިޔާ ނުވަތަ ސްރީލަންކާގެ މަރުކަޒެއް މެދުވެރިކޮށް، އެތައް ފަހަރެއްގެ މަތިން ފަރުވާދެވުނު ނަމަވެސް އެފަރާތެއްގެ ބަލި ޙާލަތަށް ކުރިއެރުމެއް ނުލިބި، ބަލި ތަޙައްމަލު ކުރަމުންދާ ފަރާތްތަކަށް އިސްކަންދޭން އާސަންދަ ކުންފުނިން ވަނީ ނިންމާފައެވެ. އެފަދަ ފަރާތްތަކަށް ކަމާބެހޭ ޑޮކްޓަރުންގެ ޓީމްގެ ފަންނީ ލަފައާއެކު ބަލިމީހާ ރިފަރ ކުރާނެ މަރުކަޒު އާސަންދަ ކުންފުނިން ކަނޑައަޅާ އެފަރާތްތަކަށް ބޭނުންވާ ބޭސްފަރުވާއަށް އެހީ ފޯރުކޮށްދޭނެ ކަމަށް އާސަންދަ ކުންފުނިން ބުންޏެވެ.

އެ ކުންފުނިން ބުނީ ކުރިޔަށް އޮތް ދުވަސްތަކުގައި އިތުރު ބައިތަކަށް ޚިދުމަތް ފުޅާކުރާނެކަމަށެވެ. އާސަންދަ ސްކީމުގެ ދަށުން ރާއްޖެއިން ބޭރުން ފަރުވާ ހޯދުމަށްއެދި ހުށަހަޅާނީ މިހާރުވެސް ޚިދުމަތަށްއެދޭ ގޮތަށް ކަމަށް އެކުންފުނިން ބުންޏެވެ. އެގޮތުން އާސަންދަ މޯބައިލް އެޕުންނާއި މައި އާސަންދަ ޕޯޓަލުން އޮންލައިންކޮށް އެޕްލިކޭޝަން ހުށަހެޅޭނެ ކަމަށް ބުންޏެވެ. އަދި ހޮސްޕިޓަލުތަކުގައި ގާއިމުކުރެވިފައިވާ ވިރަ ކައުންޓަރުތަކަށާއި އާސަންދަ ފްރަންޓް އޮފީހުގެ ކައުންޓަރަށްވެސް އެޕްލިކޭޝަން ހުށަހެޅޭނެ ކަމަށް ބުންޏެވެ.

Kidney transplant ah iskan dheegen Thiland aa UAE in Aasandha khidhumathah hulhuvaalaifi

 ކިޑްނީ ޓްރާންސްޕްލާންޓަށް އިސްކަންދީގެން ތައިލެންޑާއި ޔޫއޭއީން އާސަންދައިގެ ޚިދުމަތަށް ހުޅުވާލައިފި

ގެދޮރުވެރިޔާ ސްކީމްގެ ދަށުން ފްލެޓް ލިބޭނެ ކަމަށް މިދިޔަ ސަރުކާރުން ގެޒެޓްކުރި 4000 މީހުންގެ ފޯރމްގެ ވެރިފިކޭޝަން ޕްރޮސެސްއެއް ކުރިއަށް ގެންގޮސް, އޭގެތެރެއިން ފްލެޓް ލިބޭ މީހުންނާއި ނުލިބޭ މީހުން ކަނޑައަޅަން ގެދޮރުވެރިކަމާ ބެހޭ ވުޒާރާގެ މެންޑޭޓް މިހާރު ހަވާލުވެފައިވާ ވަޒީރު ޑރ.އަބްދުالله މުއްޠަލިބު ވިދާޅުވެއްޖެއެވެ.

4000 ފްލެޓް ލިބޭ މީހުންގެ އިވެލުއޭޝަން ޕްރޮސެސްގެ މައުލޫމާތު ދެއްވުމަށް މިއަދު ރައީސުލްޖުމްހޫރިއްޔާގެ އޮފީހުގައި ބޭއްވި ނޫސްވެރިންގެ ބައްދަލުވުމުގައި ވަޒީރު ވިދާޅުވީ ފްލެޓް ލިބޭނެ ކަމަށް މިދިޔަ ސަރުކާރުން ގެޒެޓްކޮށްފައިވާ 4000 މީހުންގެ ފޯމް ވެރިފައިކޮށް, ފްލެޓް ލިބޭ މީހުންނާއި ނުލިބޭ މީހުން ރޯދައިގެ ކުރިން ކަނޑައަޅުއްވާ ގެޒެޓް ކުރައްވާނެ ކަމަށެވެ. އަދި ޝަކުވާ ހުށަހެޅުމުގެ ފުރުޞަތު ދެއްވާނެ ކަމަށްވެސް ވިދާޅުވިއެވެ.

މިނިސްޓަރ ވިދާޅުވީ ފްލެޓަށް އެދުނު 20000 އަށްވުރެ ގިނަ މީހުންގެ ފޯމް އަލުން އިވެލުއޭޓްކުރުމުގެ ބަދަލުގައި މިހާރު ކުރިއަށް ގެންދަނީ 4000 މީހުންގެ ފޯމްގެ ވެރިފިކޭޝަން ޕްރޮސެސްއެއް ކަމަށެވެ. ފުރަތަމަ ބަލާނީ އޭގެތެރެއިން ފްލެޓް ލިބޭ މީހުންނާއި ނުލިބޭ މީހުން ކަނޑައެޅުއްވުމަށް ކަމަށާއި, ސަރުކާރުގެ އުއްމީދަކީ އެމީހުންނަށް ފްލެޓް ލިބުން ކަމަށް ވިދާޅުވިއެވެ. 

ވެރިފިކޭޝަން ޕްރޮސެސްގައި މާލޭގައި މެދުނުކެނޑި 15 އަހަރަށްވުރެ ގިނަ ދުވަހު ދިިރިއުޅުނު ކަމަށް ބަލާނީ ޕޯޓަލްގައި ފާހަގަކޮށްފައިވާ ލިޔުންތަކަށް ބަލައިގެން ކަމަށް ވިދާޅިުވިއެވެ. ޕޯޓަލްގައި ހަބާވަތެއްގެ ލިޔުން ފާހަގަކުރައްވާފައިވާ ކަމަށް ވިދާޅުވިއެވެ. ރަށު ކައުންސިލްތަކުގެ ލިޔުންތަކަކީ އެފަދަ ލިޔުމެއް ނޫންކަމަށް ވިދާޅުވިއެވެ. އެކަމަކު ކިޔަވަން ދާ ދިއުމާއި, މާލޭގައި ދިރިއުޅޭ މީހަކު ވަޒީފާއަށް ރިސޯރޓަކަށް ދާ ދިއުމަކީ މެދުކެނޑުމެއް ކަމަށް ނުބައްލަވާނެ ކަމަށްވެސް ވިދާޅުވިއެވެ.

ވެރިފިކޭޝަން ޕްރޮސެސްގައިވެސް ބަލާނީ ކުރިންވެސް ބެލި އުޞޫލަށްކަމުގެ ޔަގީންކަންވެސް ވަޒީރު ދެއްވިއެވެ.

4000 form ge verification process eh kuri ah gendhan ninmaifi

4000 ފޯރމްގެ ވެރިފިކޭޝަން ޕްރޮސެސްއެއް ކުރިއަށް ގެންދަން ނިންމައިފި

އުމްރާއަށް ގެންދަން ދިން ލައިސެންސްގައި ޑޮލަރު ނަގާ އުމްރާއަށް ނުގެންދާ ކުންފުންޏެއް ހިމެނޭ

އުމްރާއަށް މީހުން ގެންދިއުމުގެ އުޞޫލާ ޚިލާފުވި 19 ކުންފުންޏެއް ޖޫރިމަނާ ކުރަން އިސްލާމިކް މިނިސްޓްރީން ނިންމައިފި އެވެ.

އިސްލާމިކް މިނިސްޓަރ ޑރ.މުޙައްމަދު ޝަހީމް އަލީ ސައީދު މިއަދު ވިދާޅުވީ އެކުންފުނިތަކުން އުޞޫލާ ހިލާފްވި ކަންކަމުގެ ކުޑަބޮޑު މިނަށް ބަލައި 5 ހާސް ރުފިޔާއިން ޖޫރިމަނާކުރުމަށް ނިންމާފައިވާ ކަމަށެވެ. މީގެއިތުރުން އުމްރާއަށް މީހުން ގެންދިއުމަށް މިނިސްޓްރީން ދީފައިވާ ރަސްމީ ލައިސަންގެ ދައްކައިގެން އުމްރާއަށް ފުރަން ކަމަށް ހަދައި އެމްއެމްއޭ އިން ޑޮަލަރު ނަގައި، އުމްރާއަށް ނުދިޔަ ކުންފުންޏެއް ފާހަގަ ކުރެވިފައިވާކަމަށް ވަޒީރު ވިދާޅުވިއެވެ. އެކަން އިތުރަށް ބަލައި މިނިސްޓްރީއަށް އެކަން ސާބިތު ވެއްޖެ ނަމަ އެކުންފުނި 30 ހާސް ރުފިޔާއިން ޖޫރިމަނާކޮށް ހުއްދަ ހިފަހައްޓާނެ ކަމަށް ވަޒީރު ވިދާޅުވިއެވެ. އަދި އެ މައްސަލަ ތަޙްޤީޤުކުރަން ޕޮލިހަށް ފޮނުއްވާނެ ކަމަށް ވިދާޅުވިއެވެ.

ޑޮލަރު ދޫކުރާނީ ފުރުމުގެ ޓިކެޓާއި ޑޮކިއުމެންޓްސް ހުށަހެޅުމުންނެވެ. އެހެންކަމުން އެކުންފުނިން ޑޮލަރު ނެގީ ފޭކު ޑޮކިއުމެންޓް ހުށަހަޅައިގެންކަމަށް މިނިސްޓްރީން ތުހުމަތުކުރެއެވެ. އުމްރާއަށް މީހުން ގެންދިއުމުގައި އަމަލުކުރާން ގެޒެޓް ކޮށްފައިވާ އުޞޫލަށް އަމަލު ނުކުރާ ހުރިހައި ކުންފުނިތަކަށް ފިޔަވަޅު އަޅާނެކަމުގެ ޔަގީންކަންވެސް މިނިސްޓަރ ޝަހީމް ދެއްވިއެވެ.

އުމްރާއަށް މީހުން ގެންދިއުމުގެ އުޞޫލާ ހިލާފްވި މައްސަލަތައް މިފަހަރު ބޮޑަށް ފެންމަތިވީ ޑިސެމްބަރު މަހު އަލް-ހިޖުރަ ޓްރެވަލް އެންޑް ޓުއަރސް އިން އުމްރާއަށް ގެންދިޔަ ބަޔަކު މާލެ ނުގެނެސް ހާލުގައި ޖެއްސި މައްސަލައާ ހިސާބުންނެވެ. 

Umra ah meehun gendhiumuge usoolaa hilaafvi 19 kunfunyeh joorimanaa kuran ninmaifi

އުމްރާއަށް މީހުން ގެންދިއުމުގެ އުޞޫލާ ހިލާފްވި 19 ކުންފުންޏެއް ޖޫރިމަނާ ކުރަން ނިންމައިފި

ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އެސްޓޯނިއާގެ ރައީސް ޑޮކްޓަރ އަލާރް ކަރިސްއާ ބައްދަލުކުރައްވައިފިއެވެ. މި ބައްދަލުވުން މިއަދު ކުރިއަށްގެންގޮސްފައިވަނީ، ރައީސުލްޖުމްހޫރިއްޔާ އެސްޓޯނިއާއަށް ކުރައްވަމުންގެންދަވާ ރަސްމީ ދަތުރުފުޅުގެ ތެރެއިންނެވެ. މިއީ ދިވެހިރާއްޖޭގެ ރައީސަކު އެސްޓޯނިއާއަށް ކުރައްވާ ފުރަތަމަ ރަސްމީ ދަތުރުފުޅެވެ.

މިއަދުގެ ބައްދަލުކުރެއްވުމުގައި ރައީސް ޑޮކްޓަރ ކަރިސް ވަނީ، އެމަނިކުފާނުގެ ދަޢުވަތު ޤަބޫލުފުޅުކުރައްވައި އެ ޤައުމަށް ވަޑައިގެންނެވީތީ ރައީސުލްޖުމްހޫރިއްޔާ ޑޮކްޓަރ މުޢިއްޒުއަށް ޝުކުރު އަދާކުރައްވާފައެވެ. ރައްދުގައި ރައީސުލްޖުމްހޫރިއްޔާ ވަނީ، އެ ޤައުމުން ވިދާޅުވި ހޫނު މަރުޙަބާ އާއި އަރިސްކުރެއްވި މެހުމާންދާރީއަށްޓަކައި، ރައީސް ކަރިސް އާއި އެސްޓޯނިއާގެ ރައްޔިތުންނަށް ޝުކުރު އަދާކުރައްވާފައެވެ.

ދޭދޭ ގުޅުން ބަދަހިކުރުމާއި، ފަތުރުވެރިކަމާއި، ތަޢުލީމު އަދި މޫސުމަށް އަންނަ ބަދަލުތައް ފަދަ، ދެ ޤައުމުން އެކުގައި މަސައްކަތްކުރެވިދާނޭ ދާއިރާތަކާ ގުޅޭގޮތުން ދެބޭފުޅުން މަޝްވަރާކުރައްވާފައެވެ. އަދި ރައީސުލްޖުމްހޫރިއްޔާ ވަނީ ސައިބަރސެކިއުރިޓީ އާއި ޑިޖިޓަލް އިނޮވޭޝަންގެ ދާއިރާއިން ޢިލްމު ހިއްސާކުރުމަށް ޝައުޤުވެރިކަން ފާޅުކުރައްވާފައެވެ.

އެސްޓޯނިއާ އަކީ އިޢާދަކުރަނިވި ހަކަތަ އާއި، ސްމާޓް ގްރިޑް އަދި ދެމެހެއްޓެނިވި ޓެކްނޮލޮޖީގެ ދާއިރާގެ މާހިރުންކަން ފާހަގަކުރައްވައި ރައީސުލްޖުމްހޫރިއްޔާ ވަނީ، މިއީ ދިވެހިރާއްޖެއަށް އަގުހުރި ނަމޫނާތަކެއް ކަމަށެވެ. އަދި ރާއްޖޭގައި ޑިޖިޓަލް ތަރައްޤީ ޤާއިމުކޮށް، ތިމާވެށީގެ ވިލުންތެރިކަން އިތުރުކުރުމުގައި ދެ ޤައުމުން އެކުގައި މަސައްކަތްކުރެވިދާނޭ ގޮތްތަކާ މެދުގައިވެސް އެމަނިކުފާނު މަޝްވަރާކުރެއްވިއެވެ.

ދެ ރައީސުންވެސް ވަނީ، ބައިނަލްއަޤުވާމީ ސެކިއުރިޓީއާ މެދު ޚިޔާލުބަދަލުކުރައްވައި، ބައިނަލްއަޤުވާމީ މައިދާނުގައި ދެ ޤައުމުން ހިއްސާކުރާ ކަންކަމުގައި އެއްބާރުލުންދިނުމަށް، ޢަޒުމުކަނޑައަޅުއްވާފައެވެ.

ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި ރައީސް ޑޮކްޓަރ އަލާރް ކަރިސްގެ ބައްދަލުކުރެއްވުން ނިންމަވާލެއްވީ، އެސްޓޯނިއާ އާއި ދިވެހިރާއްޖެއާ އޮތް ގުޅުން އިތުރަށް ހަރުދަނާކުރެވިދާނޭކަމުގެ ޔަޤީންކަން ދެއްވަމުންނެވެ.

Raeesuljumhooriyya Dr.Muizzu Estonia ge Raees aa bahdhalu kuravvaifi

ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އެސްޓޯނިއާގެ ރައީސް ޑޮކްޓަރ އަލާރް ކަރިސްއާ ބައްދަލުކުރައްވައިފި

ރާއްޖޭގެ ސިޔާސީ ހަރަކާތުން މުޅިން ދުރުވާކަށް ނެތިންކަމަށް ވިދާޅުވެ, ސިޔާސީ މަސައްކަތުގައި ދެމިހުންނަވާނެ ކަމުގެ ޔަގީންކަން ކުރީގެ ރައީސް މުޙައްމަދު ނަޝީދު ދެއްވައިފިއެވެ.

މިވަގުތު ސިޔާސީ މަސައްކަތާ ދުރުގައި ރާއްޖެއިން ބެރުގައި ދިރިއުޅުއްވަމުން ގެންދަވާ ނަޝީދު ރާއްޖޭގެ ސިޔާސީ ހަރަކާތުން ދުރަށް ވަޑައިގަތުމުގެ ވިސްނުން ނެތްކަން ހާމަކުރައްވާފައި މިވަނީ އެމަނިކުފާނުގެ ބައިވެރިވުމާއެކު ފަހުން އުފެއްދެވި ދަ ޑިމޮކްރެޓްސްގެ ރައީސްއާއި ނައިބުރައީސް ހިމެނިވަޑައިގަންނަވާހެން އިސްބޭފުޅުންތަކެއް އެނބުރި އެމްޑީޕިއަށް ސޮއިކުރައްވާފައި ވަނިކޮށެވެ. އަދި ރައީސް ނަޝީދު ހުންނެވީ ކޮން ފަޅިއެއްގައި, ކޮން ޕާޓީއެއްގައިގޯ ސުވާލުއުފެދިފައިވަނިކޮށެވެ. 

އެކަމަށް ސީދާ ޖަވާބެއް ނުދެއްވާ ނަޝީދު ވިދާޅުވީ ޑިމޮކްރެޓްސްއާއި އެމްޑީޕީގައިވެސް މިވަގުތު އަމަލީ މަސައްކަތް ކުރާކަށް ނެތިން ކަމަށެވެ. ރައްޔިތުންގެ މަޖިލިހުގެވެސް ކުރީގެ ރައީސް ނަޝީދު ވިދާޅުވީ އެމްޑީޕީއަކީ އެމަނިކުފާނުގެ ދަރިއެއްފަދަ ޕާޓީއެއް ކަމަށެވެ. އެޕާޓީ ވަރުގަދަވެ އޮތުން އެއީ އަބަދުވެސް އެދިވަޑައިގަންނަވާނެ ކަމެއްކަމަށް ވިދާޅުވިއެވެ. ދަ ޑިމޮކްރެޓްސް އަކީ ޚާއްޞަ ގޮތެއްގައި ޒުވާނުންނަށް ސިޔާސީ މަސައްކަތުގައި ބައިވެރިވުމަށް ފުރުޞަތެއް ކަމަށް ނަޝީދު ވިދާޅުވިއެވެ. އެއާއެކު ވިދާޅުވީ އެއިން އެއްވެސް ޕާޓީއެއްގައި އަމަލީ ގޮތުން މިވަގުތު ނޫޅުއްވާނެ ކަމަށް ވިދާޅުވިއެވެ.

" މީގެން އެއްވެސް ޕާޓީއެއްގައި އަމަލީ މަސައްކަތް ކުރާކަށް މިވަގުތު އަޅުގަނޑު ނެތިން" ނަޝީދު ވިދާޅުވިއެވެ.

ރައީސް ނަޝީދު ވިދާޅުވީ އެމަނިކުފާނުގެ ހަޔާތުގެ ބޮޑުބައި ހޭދަކުރެއްވީ ދިވެހިރާއްޖޭގައި ގިނަޕާޓީ އެކުލެވޭ ނިޒާމެއް ގާއިމް ކުރުމުގެ މަސައްކަތުގައި ކަމަށެވެ. ގައުމެއްގެ ތަރައްޤީއަށް, ރައްޔިތުންގެ ތަނަވަސްކަމަށް އެންމެ ބޭނުން އެއް ވަސީލަތަކީ ވާދަވެރި ސިޔާސީ ހަރަކާތް ކަމަށް ނަޝީދު ވިދާޅުވިއެވެ. ވާދަވެރި ސިޔާސީ ހަރަކާތުގެ ސަބަބުން ސަރުކާރުގެ އާމްދަނީ އިތުރުވެ, އާމްދަނީން ކުރެވުނު އުމްރާނީ މަސައްކަތްތަކާއި, ރައްޔިތުންނަށް ހޯދައިދެވުނު އިޖްތިމާއީ ރައްކާތެރިކަން ކުރީގެ ރައީސް ނަޝީދު ފާހަގަކުރެއްވިއެވެ.

ޚަބަރު