މަސްތުވާތަކެއްޗާއި ފައިސާއާއެކު ދެރަށަކުން 5 މީހުން ހައްޔަރު ކޮށްފި އެވެ. ފުލުހުން ފަސް މީހުން ހައްޔަރުކުރީ ޅ.ހިންނަވަރާއި ނައިފަރުގައި ހިންގި އޮޕަޝޭނެއްގައި އެދެރަށުންނެވެ. އޭގެ ތެރޭގައި އަންހެނަކު ވެސް ހިމެނެއެވެ.

ފުލުހުން ބުނީ އޮޕަރޭޝަން ހިންގީ ޑްރަގް އެންފޯސްމަންޓާއި ކައުންޓަރ ނާކޮޓިކްސް އިންޓެލިޖެންސް އަދި ނޯތު ޕޮލިސް ފުލުހުން ގުޅިގެން ކަމަށެވެ. ހައްޔަރުކޮށްފިއެވެ.

އޮޕަރޭޝަނުގައި ހައްޔަރުކުރީ ޅ. ހިންނަވަރު / އަގީދުގެ، ހުސެއިން އީސާ ފުޅު (48އ)، ޅ. ހިންނަވަރު / މިދިލިމާގެ، އަޙްމަދު މުޙައްމަދު (36އ)، ޅ. ނައިފަރު / ޑޭޒީހިޔާ، ޢަބްދުﷲ ޒަކަރިއްޔާ (46އ)، ޅ. ހިންނަވަރު / ފެހިގެ، މުޙައްމަދު އިރުޝާދު (35އ) އަދި އދ. މަހިބަދޫ / ކުޅިބަލާގެ، އަދި ފާޠިމަތު ރީމާ (44އ) އެވެ. މި ފަސްމީހުންގެ އިތުރުން ވެސް މި އޮޕަރޭޝަނުގައި، އިތުރު މީހުން ބަލައިފާސްކުރި ކަމަށް ފުލުހުން ބުންޏެވެ.

ބުދަ ދުވަހު ހިންގި އޮޕަރޭޝަނުގައި ހިންނަވަރާއި ނައިފަރު ހިމެނޭގޮތަށް 12 ތަނެއް ބަލައިފާސްކުރި ކަމަށް ފުލުހުން ބުންޏެވެ. ބަލައިފާސްކުރުމުގެ ތެރެއިން މަސްތުވާތަކެތި ކަަމަށް ބެލެވޭ 86.26 ގްރާމް ބަރުދަން ހުރި ތަކެތި ފެނުން ކަމަށް ފުލުހުން ބުންޏެވެ. އޭގެ އިތުރުން 293000 ދިވެހި ރުފިޔާއާއި ޔޫއެސް ޑޮލަރުގެ އިތުރުން ޔޫރޯވެސް ފެނުން ކަމަށް ދިވެހި ފުލުހުންގެ ޚިދުމަތުން ބުންޏެވެ. 

ފަސްމީހުންގެ ތެރެއިން ހުސައިން އީސާ ފުޅާއި, އަޙްމަދު މުޙައްމަދު ހަތް ދުވަހަށް ބަންދުކުރަން ކޯޓުން ވަނީ އަމުރުކޮށްފައެވެ. ޢަބްދުﷲ ޒަކަރިއްޔާ ބަންދުކުރީ 15 ދުވަހަށެވެ. ފާޠިމަތުު ރީމާ 12 ދުވަހަށް އަދި މުޙައްމަދު އިރުޝާދު ތިން ދުވަހަށް ބަންދުކުރުމަށް ކޯޓުން ވަނީ އަމުރުކޮށްފައެވެ.

Masthuvaa thakehchaa faisaa aa eku 5 meehaku hayyaru kohfi

މަސްތުވާތަކެއްޗާއި ފައިސާއާއެކު 5 މީހަކު ހައްޔަރު ކޮށްފި

އަގުބޮޑުކޮށް ޑޮކްޓަރީ ބޭސް ވިއްކުން ހުއްޓުވުމަށް ފިޔަވަޅުތައް އަޅަން ކަމާ ގުޅުންހުރި މުއައްސަސާތަކަށް ރައީސުލްޖުމްހޫރިއްޔާ އަންގަވައިފި އެވެ.

ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވީ ޑޮކްޓަރީ ބޭސް ރާއްޖެ އެތެރެކޮށް މިހާރު ބާޒާރުގައި ވިއްކަމުންދަނީ ވަރަށް ބޮޑު އަގުގައި ކަމަށެވެ. އެކަން ހުއްޓުވުމަށްޓަކައި އަޅަންޖެހޭ ފިޔަވަޅުތައް އެޅުމަށް ކަމާގުޅުންހުރި މުއައްސަސާތަކަށް އަންގަވާފައި ވާކަމަށް އެމަނިކުފާނު ވިދާޅުވިއެވެ. 

ރައީސް ވިދާޅުވީ ޑޮކްޓަރީ ބޭސް ރާއްޖެ އެތެރެކޮށް ވިއްކާ އަގުތައް ރާއްޖޭގެ ބާޒާރުގައި މިހާތަނަށް ހުރީ 200 އިންސައްތައިން ފެށިގެން 2000 އިންސައްތައާއި ދެމެދުގެ ފައިދާއެއް ލިބޭ މިންވަރުގައި ކަމަށެވެ. މިކަމަށް ފިޔަވަޅު އެޅުއްވުމުން ބޭހުގެ ބާޒާރުގެ އަގާއި އާސަންދައިން ޗާޖުކުރާ އަގު ދަށް ކުރެވިގެންދާނެކަމަށް އެމަނިކުފާނު ވިދާޅުވިއެވެ. އަދި މި ބަދަލުގެ ނަތީޖާއެއްގެ ގޮތުން، އާސަންދައިން އިސްރާފުވަމުންދާ އެތައް ސަތޭކަ މިލިއަން ރުފިޔާއެއް ސަލާމަތްކުރެވި، ޞިއްޙީ ޚިދުމަތުގެ ފެންވަރު މަތިކުރުމަށް އެ ފައިސާ ބޭނުންކުރެވޭނެ މަގު ތަނަވަސް ވެގެންދާނެކަމަށް ވިދާޅުވިއެވެ. 

މި ބަދަލު ގެނައުމަށް ހަމަޖެހިފައިވާ ގޮތުގެ ތާވަލާއި ތަފްސީލު ވަރަށް އަވަހަށް އާންމުކޮށް އިޢުލާންކުރެވޭނެކަމަށް ވެސް ރައީސުލްޖުމްހުރިއްޔާ ވިދާޅުވިއެވެ.

Agu bodu beys vihkkun huttuvumah fiyaalhu thah alhan Raees angavaifi

އަގުބޮޑުކޮށް ބޭސް ވިއްކުން ހުއްޓުވުމަށް ފިޔަވަޅުތައް އަޅަން ރައީސުލްޖުމްހޫރިއްޔާ އަންގަވައިފި

ވާވަވެރި ކުޅުމަކަށްފަހު, ކާވާ ވިމެންސް ވޮލީބޯޅަ ޗެލެންޖް ކަޕްގެ ތަށި ރާއްޖޭގެ އަންހެން ޓީމަށް ގެއްލިއްޖެ އެވެ. މުބާރާތުގެ ޗެމްޕިއަންކަން ހޯދީ ކިރްގިސްތާނެވެ. އެއީ ފައިނަލްގައި 3-2 ސެޓުން ރާއްޖެ ބަލިކޮށްގެންނެވެ.

ފައިނަލް މެޗުގެ ސެޓްތައް ކިރުގިސްތާން ގެންދިޔައީ 25-17, 24-26, 25-18, 22-25 އަދި 15-9 ނެވެ. ފަހު ސެޓް ފިޔަވާ ކޮންމެ ސެޓެއްގައިވެސް ރާއްޖޭގެ ޓީމުން ވަރަށް ރަނގަޅު ވާދައެއް ކުރިއެވެ. އަދި މުބާރާތުގައިވެސް ހިތްވަރުކޮށް މޮޅަށް ކުޅުނެވެ. ހަތަރު ޓީމް ވާދަކުރި މުބާރާތުގައި ރާއްޖެ ބަލިވީ ކިރްގިސްތާން އަތުންނެވެ. ލީގު ބުރުގައި ބަލިވީ ސީދާ ތިން ސެޓުންނެވެ.

މުބާރާތުގެ ޑްރީމް ޓީމްގައި ރާއްޖޭގެ ދެ ކުޅުންތެރިން ހިމެނުނެވެ. އެއީ ސެޓަރު ފާތިމަތުނ ޖޫޒާން ޒަރީރު އާއި ހައްވާ ޝަހާ ޝާމިން އެވެ. ޑްރީމް ޓީމްގައި ދެން ހިމެނުނީ ކަޒަކިސްތާންގެ ކީޒީ ރޯޒާ އާއި, އާމިރަކުލޯވާ ސައިކަލް އާއި, ކިރްގިސްތާނުގެ ލިބަރޯ ސެއިޓްބެކޯވާ އަސިމާ އާއި ތަޖަކިސްތާނުގެ ގޯޑޯފަރީދް އަގްނަޒަރޯވާ އާއި އަފްޣާނިސްތާނުގެ މުހައްމަދީ ރޮގްހާޔޭ އެވެ. މުބާރާތުގެ ތިންވަނަ ހޯދީ ތަޖަކިސްތާނެވެ. 

Raajje rovvaalumah fahu thashi hoadhy Kyrgistan

ރާއްޖެ ރޮއްވާލުމަށްފަހު ތަށި ހޯދީ ކިރްގިސްތާނު

ކެރިއަރުގައި 900 ލަނޑު ހަމަކުރި ފުރަތަމަ ކުޅުންތެރިއަކަށް ޕޯޗްގަލްގެ ކެޕްޓަން ކްރިސްޓިއާނޯ ރޮނާލްޑޯ ވެއްޖެއެވެ. ރޮނާލްޑޯ 900 ވަނަ ލަނޑު ޖެހީ ޔުއެފާ ނޭޝަންސް ލީގުގައި ކްރޮއޭޝިޔާ ކޮޅަށެވެ.

2-1 ން ޕޯޗްގަލް މޮޅުވި މެޗުގައި 39 އަހަރުގެ ފޯވާޑް ލަނޑު ޖެހީ 34 ވަނަ މިނިޓްގައެވެ. އެއީ އޭރިޔާ އަރިމަތިން ނުނޯ މެންޑޭޒް ނަގައިދިން ހުރަހަކުންނެވެ. އޭގެ ކުރިން ޑިފެންޑަރު ޑިއޯގޯ ޑެލޮޓް ޕޯޗްގަލްއަށް ލީޑް ނަގައިދީފައެވެ. ޑެލޮޓް ލަނޑު ޖެހީ ބުރޫނޯ ފެނާންޑޭޒް ތަނަވަސްކޮށްދިން ފުރުޞަތެއްގައެވެ. އޭގެފަހުން 41 ވަނަ މިނިޓްގައި ޑެލޮޓް އަތުން ބައިކޮޅަށް ވެސް ލަނޑެއް ވަނެވެ. 

ރޮނާލްޑޯ ޕޯޗްގަލްގެ ގައުމީ ޓީމަށް ކުޅެންފެށި ފަހުންވެސް 20 އަހަރު ވެއްޖެއެވެ. ގައުމީ ޓީމަށް އޭނާ ވަނީ މިހާތަނަށް 131 ގޯލް ކާމިޔާބުކޮށްދީފައެވެ. ރޭގެ މެޗުގައި ލަނޑު ޖެހުމަށްފަހު ރޮނާލްޑޯ ވަނީ ކުޑަކަކޫ މައްޗަށް ސަޖިދައަށް ވާގޮތަށް ތިރިވެ, ވަރަށް ބޮޑަށް އުފާފާޅުކޮށްފައެވެ.

Ronaldo career ga 900 vana landu jahaifi, record eh

ރޮނާލްޑޯ ކެރިއަރުގައި 900 ވަނަ ލަނޑު ޖަހައިފި, ރެކޯޑެއް!

ކާރެއް ކޮންޓްރޯލް ނުވެ, ސައިކަލެއްގައި ޖެހި ހުޅުމާލޭގައި ޒުވާނަކު ނިޔާވެއްޖެ އެވެ. އެކްސިޑެންޓްގައި ނިޔާވީ ސައިކަލް ދުއްވަން އިން 23 އަހަރުގެ ހަސަން ސަމާހު އެވެ. ކަރެކްޝަން އޮފިސަރެއްގެ ގޮތުގައި މަސައްކަތްކުރާ ސަމާހު އަކީ ލ.އިސްދޫ ޒުވާނެކެވެ.

ސަމާހު ރޭ ދަންވަރު ހުޅުމާލެ އަށް ދިޔައީ ސެންޓްރަލް ޕާކް ސަރަހައްދުގައި ފަތިހު އޮތް ދުވުމެއްގައި ބައިވެރިވާށެވެ. ސަމާހުއަކީ ދުވުންތަކުގައި ޢާއްމުކޮށް ބައިވެރިވާ ޒުވާނެކެވެ. މައުލޫމާތު ލިބިފައިވާ ގޮތުގައި ސަމާހު މާލެ އައީވެސް އެދުވުމުގައި ބައިވެރިވާށެވެ. ފުލުހުން ބުނީ އެކްސިޑެންޓް ހިނގި ކަމުގެ މައުލޫމާތު ލިބުނީ ދަންވަރު 2:48 ގައި ކަމަށެވެ. 

ސަމާހު ނިޔާވީ ހުޅުމާލެ ހޮސްޕިޓަލަށް ގެންގޮސް ފަރުވާދެމުން ދަނިކޮށެވެ. ސަމާހު ދުއްވި ސައިކަލްގައި ޖެހުނީ ރޭސް ކާރެއް ކޮންޓްރޯލް ނުވެއެވެ. އެކާރު ދުއްވަން އިން 26 އަހަރުގެ ޒުވާނާ ހައްޔަރުކޮށްފައިވާ ކަމަށް ފުލުހުން ބުންޏެވެ.

ފުލުހުން ބުނީ މައްސަލަ ތަހުގީގު ކުރަމުންދާ ދާ ކަމަށެވެ. މިދިޔަ މަހުގެ ތެރޭގައިވެސް ވަނީ ބާރު ސްޕީޑްގައި ދުއްވި ސްޕޯރޓްސް ކާރެއް ކޮންޓްރޯލް ނުވެ, މަގުގެ އެއްފަރާތުގައި މަޑުކޮށްގެން އިން ސައިކަލެއްގައި ޖެހި ނުރައްކާތެރި އެކްސިޑެންޓެއް ވަނީ ހިނގާފައެވެ. 

Car eh control nuve, cycle eh ga jehi Hulhumale ga zuvaanaku niyaavejje

ކާރެއް ކޮންޓްރޯލް ނުވެ, ސައިކަލެއްގައި ޖެހި ހުޅުމާލޭގައި ޒުވާނަކު ނިޔާވެއްޖެ

ސަރުކާރުން ދެއްވާ ޝަރަފުވެރިކަމުގެ ޤައުމީ އިނާމު 7 ބޭފުޅަކަށާއި، އަދި ހިތްވަރު ދިނުމުގެ ޤައުމީ އިނާމު 10 ބޭފުޅަކަށާއި، 1 ކުންފުންޏަކަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު، ދެއްވައިފިއެވެ. މި އިނާމުތައް ދެއްވީ، މި އަހަރުގެ ޤައުމީ ދުވަހުގެ މުނާސަބަތުގައި ދަރުބާރުގޭގައި މިއަދު ބޭއްވެވި ރަސްމީ ޖަލްސާގައެވެ.

ޝަރަފުވެރިކަމުގެ ޤައުމީ އިނާމު ލިބިވަޑައިގެންނެވި ބޭފުޅުންނަށް ރައީސުލްޖުމްހޫރިއްޔާ ދެއްވީ، ޝަރަފުގެ އައްޑަނައާއި، ޝަރަފުގެ ބެޖެވެ. ހިތްވަރު ދިނުމުގެ ޤައުމީ އިނާމު ލިބިވަޑައިގެންނެވި ބޭފުޅުންނަށް ރައީސުލްޖުމްހޫރިއްޔާ ދެއްވީ، ހަނދާނީ ފިލައެކެވެ.

ޤައުމީ އިނާމަށް ބޭފުޅުން ހޮއްވެވީ، އެކަމަށްޓަކައި ރައީސުލްޖުމްހޫރިއްޔާ އުފައްދަވާފައިވާ ޤައުމީ އިނާމާބެހޭ ކޮމިޓީއިންނެވެ.

މިއަދު ޝަރަފުވެރިކަމުގެ ޤައުމީ އިނާމު ލިބިވަޑައިގެންނެވި 7 ބޭފުޅުންނަކީ

1. ދެމިހުންނަނިވި ޚާއްޞަ ޚިދުމަތެއްކުރުމުގެ ދާއިރާއިން: އަލްމަރްޙޫމް މުޙައްމަދު ތައުފީޤުގެ ހަނދާނަށް، ތަޅަމުދިގެ

2. ޞިއްޙީ ދާއިރާއިން: ޑޮކްޓަރ ޢަބްދުލްޢަޒީޒު ޔޫސުފް، ވ. އަކީލާ

3. ކުދިފަންތިއާއި މެދުފަންތީގެ ވިޔަފާރީގެ ދާއިރާއިން: މުޙައްމަދު މާޖިދު، ހުޅުމާލެ. ފްލެޓް ނަންބަރު 02-3-7

4. ޚަބަރާއި މަޢުލޫމާތު ފެތުރުމުގެ ދާއިރާއިން: މޫސާ ލަޠީފް، މ. ހުސްނޫ

5. ކުޅިވަރުގެ ދާއިރާއިން: މުޙައްމަދު ނާޞިރު، މ. މެޓްރޯވިލާ

6. ކުޅިވަރުގެ ދާއިރާއިން: އަޙްމަދު މުޙައްމަދު، ވ. ރޭދުވާ

7. ޕަރފޯމިންގ އާޓްސްގެ ދާއިރާއިން ޙަސަންމަނިކު، ވ. ކަންދު

މިއަދުގެ ޖަލްސާގައި ހިތްވަރު ދިނުމުގެ ޤައުމީ އިނާމު އެރުވި 10 ބޭފުޅަކަށާއި، ކުންފުންޏައަކީ:

1. ކީރިތި ޤުރްއާން އުނގަންނައިދިނުމާއި، ކީރިތި ޤުރްއާނުގެ ޢިލްމުގެ ދާއިރާއިން; ކީރިތި ޤުރްއާން އުނގަންނައިދިނުމުގެ ރޮނގުން: އަލްޤާރީ އަޙްމަދު އިބްރާހީމް، ޒަމާނީގެ، ނ. ހޮޅުދޫ

2. ކީރިތި ޤުރްއާން އުނގަންނައިދިނުމާއި، ކީރިތި ޤުރްއާނުގެ ޢިލްމުގެ ދާއިރާއިން; ކީރިތި ޤުރްއާން އުނގަންނައިދިނުމުގެ ރޮނގުން: އަލްއުސްތާޒު ޢަބްދުއްރަޙްމާން ޔޫނުސް، މަޒާ، ރ.އަލިފުށި

3. އިސްލާމްދީނަށް ހޭލުންތެރިކަން އިތުރުކުރުވުމާއި، ދީނަށް ޚިދުމަތްކުރުމާއި، ދީނީ ޢިލްމު އުނގަންނައިދިނުމުގެ ދާއިރާއިން; ދީނީ ރޮނގުން ޚިދުމަތްކުރުމާއި، މީހުންގެ ހޭލުންތެރިކަން އިތުރުކުރުވުމުގެ ރޮނގުން: އައްޝައިޚް ޢިއްޒައްދީން ޢަދުނާން، ދަފްތަރު ނަންބަރު ރސ 12132

4. އިސްލާމްދީނަށް ހޭލުންތެރިކަން އިތުރުކުރުވުމާއި، ދީނަށް ޚިދުމަތްކުރުމާއި، ދީނީ ޢިލްމު އުނގަންނައިދިނުމުގެ ދާއިރާއިން; ދީނީ ރޮނގުން ޚިދުމަތްކުރުމާއި، މީހުންގެ ހޭލުންތެރިކަން އިތުރުކުރުވުމުގެ ރޮނގުން: އައްޝައިޚް އަޙްމަދު މައުމޫން، މާބަގީޗާގެ، ސ.މަރަދޫ

5. ތަޢުލީމީ ދާއިރާއިން; ފަންނީ މީހުން ބިނާކުރުމުގެ ރޮނގުން: އިސްމާޢީލް ސާޖިދު، މއ. ވިލާރޮދި

6. މަސްވެރިކަމުގެ ދާއިރާއިން; ދޮށީގެ މަސްވެރިކަން ކުރުމުގެ ރޮނގުން: އިބްރާހީމް ތައްޚާނު ، ވާކަރުގެ،ގއ. ވިލިނގިލި

7. ވިޔަފާރިއާއި އިޤްތިޞާދީ ދާއިރާއިން; ވިޔަފާރި ފުޅާކޮށް ތަރައްޤީ ކުރުމުގެ ރޮނގުން: ރިޔަން ޕްރައިވެޓް ލިމިޓެޑް

8. ވިޔަފާރިއާއި އިޤްތިޞާދީ ދާއިރާއިން; އިޤްތިޞާދަށް މުޅިން އައު ޚިދުމަތްތަކާއި މަސައްކަތްތައް ތަޢާރުފުކޮށް، ތަރައްޤީކޮށް، ކުރިއެރުވުމުގެ ރޮނގުން: ޢާމިރު މަންޞޫރު، މއ. މަނަސް

9. ބޯޓް ބިލްޑިންގގެ ދާއިރާއިން; އޮޑިދޯނިފަހަރު ބަނުމާއި، ޔޮޓްފަހަރު ބަނުމުގެ ރޮނގުން: ޢަބްދުއްރަޙްމާނު ޔޫސުފު، ރީފް، ރ.އަލިފުށި

10. ކަލިނަރީ އާރޓްސްގެ ދާއިރާއިން; މީހުން ބިނާކުރުމާއި ތަރައްޤީކުރުމުގެ ރޮނގުން: ފާޠިމަތު ޢުމަރު، ދޯދި، ހއ. ފިއްލަދޫ

11. ޒުވާނުންގެ ދާއިރާއިން; ހިލޭސާބަހަށް މަސައްކަތްކުރުމާއި، މަސައްކަތްކުރުމުގެ ރޫޙު އާލާކުރުމުގެ ރޮނގުން: ޙުސައިން ޢަލީ، ނޫރާނީމާގެ، ނ.ހެނބަދޫ

މި ޖަލްސާގައި ރައީސުލްޖުމްހޫރިއްޔާ ވަނީ މިއަދު އިނާމު ލިބިވަޑައިގެންނެވި ހުރިހާ ބޭފުޅުންނަށް ތަހުނިޔާ ވިދާޅުވެފައެވެ.

ސަރުކާރުން ދެއްވަމުން ގެންދަވާ ޤައުމީ އިނާމަކީ، ދިވެހި ޤައުމާއި ދިވެހި މުޖުތަމަޢުގެ ލާބައާއި މަންފާއަށްޓަކައި ވަކިވަކި ފަރުދުންނާއި، މަދަނީ މުއައްސަސާތަކުންނާއި، މަދަނީ ޖަމުޢިއްޔާތަކާއި ޖަމާޢަތްތަކުންނާއި، ވިޔަފާރި އިދާރާތަކުން ދެމެހެއްޓެނިވި ގޮތެއްގައި ދިވެހި ޤައުމުގެ ތަރައްޤީގައި ކުރަމުންގެންދާ މަސައްކަތްތަކުގައި، އެ ފަރާތްތަކުން ހޯދާ ކުރިއެރުންތައް ބަލައިގަނެ، އެ ކަންކަމުގެ އަގު ވަޒަންކޮށް، އެ ފަރާތްތަކަށް ހިތްވަރުދިނުމުގެ މަޤްޞަދުގައި ދެވޭ އިނާމެކެވެ. ޤައުމީ އިނާމުގެ ގޮތުގައި ދެއްވަމުން ގެންދަވަނީ ޝަރަފުވެރިކަމުގެ ޤައުމީ އިނާމާއި، ހިތްވަރުދިނުމުގެ ޤައުމީ އިނާމެވެ.

Sharafveri kamuge inaam 7 beyfulhakah, Hithvaru dhinumuge inaam 10 beyfulhakah dhevvaifi

ޝަރަފުވެރިކަމުގެ ޤައުމީ އިނާމު 7 ބޭފުޅަކަށް އަދި ހިތްވަރު ދިނުމުގެ ޤައުމީ އިނާމު 10 ބޭފުޅަކަށާއި، ކުންފުންޏަކަށް ދެއްވައިފި

ދިވެހި ކާބަފައިންނަކީ މި ޤައުމުގެ ދިފާޢުގައި ހުރިހައި މާނައެއްގައި ހުރިހައި ޒަމާނެއްގައި މަސައްކަތްކުރި ބައެއްކަމަށާ ދިވެހި ތަރިކަތައް ހެކިދެނީ އެގޮތަށްކަމުގައި ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ވިދާޅުވެއްޖެއެވެ. ރައީސުލްޖުމްހޫރިއްޔާ މިހެން ވިދާޅުވީ މިއަދު ދަރުބާރުގޭގައި ބޭއްވެވި ޤައުމީ ދުވަހުގެ ރަސްމީ ޖަލްސާގައި ވާހަކަފުޅު ދައްކަވަމުންނެވެ.

ރައީސުލްޖުމްހޫރިއްޔާ ވިދާޅުވީ ދިވެހިރާއްޖެއަކީ އަބަދުވެސް ދުނިޔޭގެ ބާރުތަކުގެ ވާދަވެރިކަމުގައި ހަމަލާތައް ރައްދުވާ އަދި އެ ހަމަލާތައް ރޫޅާލައި އެ ހަމަލާތަކުން ސަލާމަތްވެގަންނަ ބަޔަކު އުޅޭ ގައުމެއް ކަމަށެވެ. އެގޮތުން ދިވެހީން އަޅުވެތިކުރުމަށް ޕޯޗުގީޒުން ފޮނުވި ލަޝްކަރާ ދެކޮޅަށް ދިވެހީން ތެދުވެ، އެ މީހުން ބަލިކޮށް، އަލުން މިނިވަންކަން ހޯދައިގަތްގޮތުގެ މައްޗަށް ރައީސުލްޖުމްހޫރިއްޔާގެ ވާހަކަފުޅުގައި އަލިއަޅުވާލެއްވިއެވެ.

ދިވެހީންނަކީ އަބަދުވެސް މިނިވަންކަމުގެ ބަޠަލުންކަން ފާހަގަކުރައްވައި އެމަނިކުފާނުގެ މުޅި ސިޔާސަތު ބިނާކުރައްވާފައި ވަނީ ވެސް މި އަސާސުގެ މައްޗަށްކަމުގައި ރައީސުލްޖުމްހޫރިއްޔާ ވިދާޅުވިއެވެ. ރައީސުލްޖުމްހޫރިއްޔާ ވިދާޅުވީ ރާއްޖޭގައި ބޭރުގެ ސިފައިން މިހާރު ޤާއިމުވެ ނެތުމުގެ ސަބަބަކީ ވެސް އެއީކަމުގައެވެ. އަދި އެންމެ ޒަމާނީ ޓެކްނޯލޮޖީ ބޭނުންކޮށްގެން ރާއްޖޭގެ ސަރަޙައްދު ބަލަހައްޓަމުން ގެންދިއުމާއި ދިވެހި ޤައުމިއްޔަތުގެ ޚާއްޞަ ނިޒާމެއް ތަޢާރަފުކުރެވި ދާއިރާގެ ތަޢުލީމާ ހޭލުންތެރިކުރުމުގެ މަސައްކަތްތައް ކުރިޔަށްގެންދަވަނީ ވެސް އެ ބޭނުމުގައި ކަމުގައި ރައީސުލްޖުމްހޫރިއްޔާ ވިދާޅުވިއެވެ.

ދިވެހި މަސްކަނޑުތައް ދިވެހީން ޒަމާނުއްސުރެ ސަލާމަތްކުރާ ޠަބީޢީ ސިއްރަކީ ބަނޑުފުރާނަ މުއްތިކުރާ މައިރޯއްޖަކީ އެ ކަނޑުތަކުން ލިބޭ ރިޒުޤު ކަމުގައިވުންކަން ރައީސުލްޖުމްހޫރިއްޔާގެ ވާހަކަފުޅުގައި ފާހަގަކުރެއްވިއެވެ. އެހެންކަމުން ޤައުމަށް ވަފާތެރި ދަރީން ބިނާކުރުމަށްޓަކާ މަސައްކަތްތެރި ޖީލުތަކެއް ބިނާކުރަން ޖެހޭކަމަށާ އަދި ދިވެހީންގެ މަސްކަނޑާއި ފަސްގަނޑާ އިހުއްސުރެ ގުޅިފައިވާ ގޮތަށް އަންނަން އޮތްތާނގައިވެސް ގުޅިފައި އޮންނަންޖެހޭކަން ރައީސުލްޖުމްހޫރިއްޔާ ފާހަގަކުރެއްވިއެވެ.

Dhivehi kaabafainaky mi gaumuge dhifaauga huriha maana eh ga, hurihaa zamaaneh ga masahkkah kuri ba eh- Raees

ދިވެހި ކާބަފައިންނަކީ މި ޤައުމުގެ ދިފާޢުގައި ހުރިހައި މާނައެއްގައި ހުރިހައި ޒަމާނެއްގައި މަސައްކަތްކުރި ބައެއް - ރައީސުލްޖުމްހޫރިއްޔާ

ދިވެހި ޤައުމިއްޔަތަށް ޚިދުމަތް ކުރުމުގެ އެންމެ މަތިވެރި ޝަރަފު، ފަޟީލަތުއްޝައިޚް އަލްމަރްޙޫމް ޙުސައިން ޞަލާޙުއްދީންގެ ހަނދާނަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އަރުވައިފިއެވެ. ފަޟީލަތުއްޝައިޚް އަލްމަރްޙޫމް ޙުސައިން ޞަލާޙުއްދީންގެ ހަނދާނަށް މި ޝަރަފު އެރުވީ މިއަދު ހެނދުނު ދަރުބާރުގޭ ރަންނަބަނޑޭރި މާލަމުގައި ބޭއްވި މިއަހަރުގެ ޤައުމީ ދުވަހުގެ ރަސްމީ ޖަލްސާގައެވެ.

ދިވެހި ޤައުމިއްޔަތަށް ޚިދުމަތް ކުރުމުގެ އެންމެ މަތިވެރި ޝަރަފު، ފަޟީލަތުއްޝައިޚް އަލްމަރްޙޫމް ޙުސައިން ޞަލާޙުއްދީންގެ ހަނދާނަށް އެރުވުމަށް ރައީސުލްޖުމްހޫރިއްޔާ ކަނޑައެޅުއްވީ، ދިވެހި ޤައުމިއްޔަތުގެ އެންމެ އިސް ބަހާތައް ކަމަށްވާ، ދިވެހީންގެ ދީނާއި، ދިވެހީންގެ ދިވެހިބަހާއި، ތަރިކައާއި، ސަގާފަތާއި، މި ދެންނެވި ރޮނގުތަކުން ދިވެހީންގެ ވިސްނުމާއި ފިކުރީ ތަރައްޤީއަށް މަގުފަހިކޮށްދެއްވައި، ޢިލްމުގެ ނޫރު ފެތުރުއްވުމަށް ފަޟީލަތުއްޝައިޚް ޙުސައިން ޞަލާޙުއްދީން ކުރައްވައިފައިވާ ޤައުމީ ޚިދުމަތަށްޓަކައެވެ. ދިވެހި ޤައުމިއްޔަތަށް ޚިދުމަތް ކުރުމުގެ އެންމެ މަތިވެރި ޝަރަފުގެ ގޮތުގައި ރައީސުލްޖުމްހޫރިއްޔާ ދެއްވެވީ ޝަރަފުގެ އައްޑަނައެކެވެ.

‎ދިވެހި ޤައުމިއްޔަތަށް ޚިދުމަތް ކުރުމުގެ އެންމެ މަތިވެރި ޝަރަފަކީ، ދިވެހި ޤައުމިއްޔަތަށް ފާހަގަކޮށްލެވޭފަދަ ޚިދުމަތްތަކެއް ކުރައްވާފައިވާ ބޭފުޅުންނަށް ރައީސުލްޖުމްހޫރިއްޔާ ދެއްވާ އެންމެ މަތިވެރި ޝަރަފެވެ. 

ފަޟީލަތުއްޝައިޚު އަލްމަރްޙޫމް ޙުސައިން ޞަލާޙުއްދީނަކީ ދިވެހިރާއްޖެ ދުށް އެންމެ އުފެއްދުންތެރި އަދީބެވެ. އެމަނިކުފާނަކީ ދިވެހި ޤައުމުގެ ނަމޫނާ ދަރިއެއްގެ އިތުރުން ދިވެހި ޤައުމިއްޔަތު ނެގެހެއްޓުމުގެ އެންމެ ހަރުދަނާ އެއް ތަނބެވެ. އެގޮތުން އެމަނިކުފާނު ލިޔުއްވި ސިޔަރަތަށް ބަލައިލުމުން ވެސް އެމަނިކުފާނުގެ ޢިލްމުވެރިކަމާއި ޢަރަބި ބަހާއި ދިވެހި ބަހަށް ވެސް ހުރި ކުޅަދާނަފުޅުކަން ސާބިތުވެއެވެ.

Dhivehi gaumiyyathah Khidhumah kurumuge enme mathiveri sharaf, almarhoom Hussain Salahddin ge handhaanah aruvaifi

ދިވެހި ޤައުމިއްޔަތަށް ޚިދުމަތް ކުރުމުގެ އެންމެ މަތިވެރި ޝަރަފު، އަލްމަރްޙޫމް ޙުސައިން ޞަލާޙުއްދީންގެ ހަނދާނަށް އަރުވައިފި

މި ސަރުކާރުގެ އިޤްތިޞާދީ ރިފޯމް އެޖެންޑާގައިވާ ކަންކަން ހާސިލުކުރުމަށްޓަކައި އެއްގޮތް މަސައްކަތްތަކެއްކުރާ ސަރުކާރުގެ ބައެއް ކުންފުނިތައް އެއްކޮށްލުމަށް ވަޒީރުންގެ މަޖިލީހުގެ ލަފާފުޅާއެކު ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު، ނިންމަވައިފިއެވެ. ރައީސުލްޖުމްހޫރިއްޔާ މި ނިންމެވުން ނިންމަވާފައިވާކަން ހާމަކުރެއްވީ އިއްޔެ ވަޒީރުންގެ މަޖިލީހުގެ ޖަލްސާއަށްފަހު އެ މަޖިލީހުން ނިންމެވިކަންކަން ޙިއްޞާކުރެއްވުމަށް ރައީސުލްޖުމްހޫރިއްޔާގެ އޮފީހުގައި ބޭއްވެވި ނޫސްވެރިންގެ ބައްދަލުކުރެއްވުމުގައެވެ.

އެގޮތުން އެމް.އޭ.ސީ.އެލް. އާއި އާރް.އޭ.ސީ.އެލް. އެއްކޮށްލެއްވުމަށް ވަނީ ނިންމަވާފައެވެ. މި ބަދަލާ ގުޅޭ އެންމެހައި މަސައްކަތްތައް އަންނަ އަހަރުގެ ޖެނުއަރީ މަހުގެ ނިޔަލަށް ނިންމަވަންވެސް ވަނީ ކަނޑައަޅުއްވާފައެވެ. މިދެ ކުންފުނި އެއްކޮށްލަނީ މޯލްޑިވްސް އެއަރޕޯޓްސް ކޮމްޕެނީ ލިމިޓެޑް (އެމް.އޭ.ސީ.އެލް.) އަކީ ރާއްޖޭގެ އެންމެ ބޮޑު އެއަރޕޯޓް އޮޕަރޭޓަރަށްވުމާއެކު، ދާއިރާގެ ތަޖުރިބާ ހުރި މިފަދަ ބޮޑު ކުންފުންޏަކާއި، ރީޖަނަލް އެއަރޕޯޓްސް ކޮމްޕެނީ ލިމިޓެޑް (އާރު.އޭ.ސީ.އެލް) އާ އެއްކޮށްލެވިއްޖެނަމަ، ސިނާޖީ ތަކެއް ހާސިލްކުރުމުގެ ފުރުސަތު ފަހިވެ، އާރު.އޭ.ސީ.އެލް. ގެ ހިންގުން ހަރުދަނާވެ، ސަރަހައްދީ އެއަރޕޯޓްތައް މިހާރަށްވުރެ ރަނގަޅަށް ހިންގޭނެތީ ކަމަށް ރައީސުލްޖުމްހޫރިއްޔާގެ އޮފީހުން ވިދާޅުވިއެވެ.

އެޗްޑީސީގެ ސަބްސިޑިއަރީ ކުންފުންޏަކަށް އެފްޑީސީ ބަދަލުކުރައްވަންވެސް ވަނީ ނިންމަވާފައެވެ. ހައުސިންގ ޑިވެލޮޕްމަންޓު ކޯޕަރޭޝަން ލިމިޓެޑް (އެޗް.ޑީ.ސީ.) ގެ ސައްތަ އިންސައްތަ ހިއްސާވާ ސަބްސިޑިއަރީ ކުންފުންޏަކަށް ފަހި ދިރިއުޅުން ކޯޕަރޭޝަން ލިމިޓެޑް (އެފް.ޑީ.ސީ.) ބަދަލުކުރުމަށްފަހު، އެޗް.ޑީ.ސީން ބަލަހައްޓަމުން އަންނަ ސޯޝަލް ހައުސިންގ މަޝްރޫޢުތަކާއި އަދި މިނިސްޓްރީ އޮފް ހައުސިންގ، ލޭންޑް އެންޑް އަރބަން ޑިވޮލޮޕްމަންޓުގެ ބެލުމުގެ ދަށުން ހިންގަމުން އަންނަ ސޯޝަލް ހައުސިންގ މަޝްރޫޢުތައް އެފް.ޑީ.ސީގެ ދަށަށް ބަދަލުކުރެއްވުމަށްވެސް ވަނީ ނިންމަވާފައެވެ. އަދި ސިޓީ ކައުންސިލުން ފޯރުކޮށްނުދޭ މުނިސިޕަލް ސަރވިސަސްތައް އެފްޑީސީގެ ދަށުން ފޯރުކޮށްދިނުންވެސް ބަދަލުތަކުގެ ތެރޭގައި ހިމެނެއެވެ. މީގެ އިތުރުން އެޗްޑީސީން މިހާރުވެސް ކުރަމުން އަންނަ ސޯޝަލް ހައުސިންގ އާއި ސީދާ ގުޅުމެއްނުވާ، އެ ކުންފުނީގެ މެންޑޭޓްގައިވާ ހުރިހާ މަސައްކަތެއް އެޗްޑީސީ އިން ކުރިއަށް ގެންދާގޮތަށްވެސް ވަނީ ހަމަޖައްސަވާފައެވެ.

 އެޗްޑީސީ އަކީ އާންމުންގެ ބައިވެރިވުމާއެކު ހިންގާ ޕަބްލިކް ލިސްޓެޑް ކުންފުންޏަކަށް ބަދަލުކުރުމަށް އައި.ޕީ.އޯއަކަށް ދާންވެސް ވަޒީރުންގެ މަޖިލިހުގެ މަޝްވަރާގެ މަތީން ނިންމެވިއެވެ. އަދި އެޗް.ޑީ.ސީ. ގެ ސައްތަ އިންސައްތަ ހިއްސާވާ ސަބްސިޑަރީ ކުންފުންޏަކަށް އެފް.ޑީ.ސީ. ބަދަލުކުރުމާ ގުޅޭ މަސައްކަތްތައް އަންނަ އަހަރުގެ ފެބްރުއަރީ ފުރަތަމަ ދުވަހުގެ ނިޔަލަށް ނިންމަންވެސް ވަނީ ކަނޑައަޅުއްވާފައެވެ. 

މޯލްޑިވްސް ފަންޑް މެނޭޖްމަންޓް ކޯޕަރޭޝަން ލިމިޓެޑް (އެމް.އެފް.އެމް.ސީ) އާއި ބިޒްނަސް ސެންޓަރ ކޯޕަރޭޝަން (ބީ.ސީ.ސީ.) އެއްކޮށްލުމުގެ މަސައްކަތް މި ވަގުތު ކުރިއަށް ނުގެންދެވުމަށްވެސް ރައީސުލްޖުމްހޫރިއްޔާ ވަނީ ނިންމަވާފައެވެ. އަދި އިންޓަގްރޭޓެޑް ޓޫރިޒަމާ ގުޅޭ މަސައްކަތް ކުރެއްވުމަށް ސަރުކާރުން އުފައްދަވާފައިވާ މޯލްޑިވްސް އިންޓަރގްރޭޓެޑް ޓޫރިޒަމް ޑިވެލޮޕްމަންޓް ކޯޕަރޭޝަން ލިމިޓެޑް (އެމް.އައި.ޓީ.ޑީ.ސީ.) އުވާލުމަށްފަހު، އެ ކުންފުނީގެ މަޝްރޫޢުތަކާއި މަސައްކަތްތައް، އެމް.އެފް.އެމް.ސީ. ގެ މެންޑޭޓަށް ގެނެވޭ ބަދަލުގެ ތެރެއިން އެ ކުންފުންޏާ ހަވާލުކުރެއްވުމަށްވެސް ނިންމެވިއެވެ. މި ކަމާގުޅޭ އެންމެހައި މަސައްކަތްތައް މިއަހަރުގެ ނިޔަލަށް ނިންމަން ވަނީ ކަނޑައަޅުއްވާފައެވެ. 

މީގެއިތުރުން އޯޝަން ކަނެކްޓް މޯލްޑިވްސް ޕްރައިވެޓް ލިމިޓެޑް (އޯ.ސީ.އެމް) އިން ކުރިއަށް ގެންދަވާ މަޝްރޫޢުތައް، މިހާރެކޭވެސް އެއްގޮތަށް ކުރިއަށް ގެންދެވުމަށާއި، ދަނޑުވެރިކަމާ ގުޅޭ މަސައްކަތްތައް ކުރެއްވުމަށް އުފައްދަވާފައިވާ އެގްރޯނެޓް ކޯޕަރޭޝަން ޕްރައިވެޓް ލިމިޓެޑް އުވާލުމަށްފަހު، އެ ކުންފުނީގެ މަސައްކަތްތައް، އެގްރިކަލްޗަރ އިކޮނޮމިކް ޒޯނާ ގުޅޭ މަސައްކަތްކުރާ ކުންފުނި ކަމުގައިވާ މޯލްޑިވްސް އިންޑަސްޓްރިއަލް ޑިވެލޮޕްމަންޓް ފްރީ ޒޯން ޕަބްލިކް ލިމިޓެޑާ ހަވާލުކުރެއްވުމާ ގުޅޭގޮތުން ކުރައްވަންޖެހޭ ކަންކަން، ޤާނޫނާއި ގަވާއިދާ އެއްގޮތަށް ކުރިއަށް ގެންދެވުމަށްވެސް ވަޒީރުންގެ މަޖިލީހުގެ މަޝްވަރާގެ މަތީން ރައީސުލްޖުމްހޫރިއްޔާ ވަނީ ނިންމަވާފައެވެ.

Sarukaaruge ba eh kunfuni thah ehkohlan Raees ninmavaifi

ސަރުކާރުގެ ބައެއް ކުންފުނިތައް އެއްކޮށްލުމަށް ރައީސުލްޖުމްހޫރިއްޔާ ނިންމަވައިފި

ކާރު އެކްސިޑެންޓް މައްސަލައިގައި ހައިކޯޓުން ދޫކޮށްލި އިބްރާހީމް އިކްރާމް ކޯޓް އަމުރެއްގެ ދަށުން އަލުން ހައްޔަރުކޮށްފި އެވެ. އޭނާ އަލުން ހައްޔަރުކުރިކަން ރޭ ދަންވަރު އިއުލާނުކުރެއްވީ ހޯމް މިނިސްޓަރ އަލީ އިހުސާނެވެ. އޭގެކުރިން އިރާކޮޅު މިނިސްޓަރ ވަނީ އޭނާ އަލުން ހައްޔަރުކުރުމުގެ މަސައްކަތް ކުރަމުންދާ ކަމަށްވެސް ވިދާޅުވެފައެވެ.

އިބްރާހީމް އިކްރާމް ޖުލައި މަހު ހައްޔަރުކުރީ އޭނާ ދުއްވި ސްޕޯރޓްސް ކާރު ކޮންޓްރޯލް ނުވެ މަގުގެ އެއްފަރާތުގައި މަޑުކޮށްގެން އިން މީހެއްގެ ގައިގަ ޖެހި ހިނގި އެކްސިޑެންޓަކާ ގުޅިގެންނެވެ. އެކާރު ދުއްވާފައިވަނީ ވަރަށް ބާރު ސްޕީޑްގައެވެ, ކާރުން ޖެހުމާއެކު ސައިކަލްގައި އިން މީހާ ވިއްސިގެން ދިޔައެވެ. އޭނާ އަށް ލިބުނު އަނިޔާތަކަށް ހޮސްޕިޓަލްގައި ފަރުވާ ދިނުމަށް ހޮސްޕިޓަލްގައި އެޑްމިޓް ކުރިއެވެ.

ހައިކޯޓުން އިބްރާހީމް އިކްރާމް ދޫކޮށްލީ ފުރަތަމަ ހައްޔަރުކޮށް, ޝަރީއަށް ނިމެންދެން ބަންދުކުރިއިރު ވަކީލެއްގެ ފުރުޞަތު ދީފައި ނުވާތީއެވެ. ބަންދުކުރި މައްސަލަ ހައިކޯޓްގައި އިބްރާހީމް އިކްރާމްގެ ފަރާތުން އިސްތިއުނާފް ކުރީއެވެ. ހައިކޯޓުން ބުނީ ޝަރީއަށް ނިމެންދެން ބަންދުކުރި އަމުރު ނެރުނީ ގޯސްކޮށް ކަމަށެވެ. ހޯމް މިނިސްޓަރ އަލީ އިހުސާން ވިދާޅުވީ ކަން ހިނގިގޮތް ތަހުގީގުކޮށް, އިހުމާލުވެފައިވާނަމަ އެމީހަކަށް ނުވަތަ ބަޔަކަށް އެންމެ ހަރުކަށި ފިޔަވަޅު އެޅޭނެ ކަމަށެވެ. 

Accident massala ga dhookohli meeha alun hayyaru kohfi   

އެކްސިޑެންޓް މައްސަލައިގައި ދޫކޮށްލި މީހާ އަލުން ހައްުޔަރުކޮށްފި

ލަލީގާގައި އެމްބާޕޭގެ ފުރަތަމަ ދެ ގޯލާއެކު ރެއާލް މެޑްރިޑް މޮޅު ވެއްޖެއެވެ. މިސީޒަންގައި ރެއާލް އަށް ބަދަލުވި ފުރާންސް ކެޕްޓަން ލަލީގާގައި ފުރަތަމަ ދެގޯލް ޖެހީ ރެއާލް ބެޓިސް ކޮޅަށެވެ. މެޗު ރެއާލް އިން ކާމިޔާބުކުރީ ވެސް 2-0 ނެވެ. 

ފުރަތަމަ ގޯލް މެޗް 67 ވަނަ މިނިޓްގައި ކާމިޔާބު ކޮށްދިނީ ފެޑްރީކޯ ވަލްވާޑޭ ތަނަވަސްކޮށްދިން ފުރުޞަތެއްގައެވެ. އަދި ދެވަނަ ގޯލަކީ 75 ވަނަ މިނިޓްގައި ލިބުނު ޕެނަލްޓީއަކުން ޖެހި ލަނޑެކެވެ. ވިނީޝިއުސް ޖޫނިއަރ އަށް ކުރި ފައުލަށް ދިން ޕެނަލްޓީ ޖަހަން ވިނީޝިއުސް ވަނީ އެމްބާޕޭއަށް ދޫކޮށްލާފައެވެ. އެކަން މެޗަށްފަހު ކޯޗު ކާލޯ އެންޗެލޮޓީ ވަރަށް ބޮޑަށް ފާހަގަވެސް ކުރިއެވެ. 

ލަލީގާގައި އެމްބާޕޭގެ ފުރަތަމަ ގޯލް ފެނުނީ ތިން މެޗަށްފަހު ހަތަރު ވަނަ މެޗުގައެވެ. ލަލީގާގެ ތާވަލްގެ އެއްވަނައިގައި 12 ޕޮއިންޓާއެކު އޮތީ ވާދަވެރި ބާސެލޯނާ އެވެ. ރެއާލް މެޑްރިޑް އޮތީ 8 ޕޮއިންޓާއެކު އޮތީ ދެ ވަނައިގައެވެ.

ޚަބަރު