މިއަދާ ހަމައަށް މަސްވެރިންނަށް ނުދެވިހުރި ފައިސާ ދޭން މިފްކޯއާ ހަވާލުކޮށްފިއެވެ. ރައީސުލްޖުމްހޫރިއްޔާ ޑރ.މުހައްމަދު މުއިއްޒު މިއަދު ސޯޝަލް މީޑިޔާގައި ކުރެއްވި ޕޯސްޓެއްގައި ވިދާޅުވީ މިއަދާ ހަމައަށް މަސްވެރިންނަށް ނުދެވިހުރި ފައިސާގެ ޖުމުލަ އަދަދު އެ ފަރާތްތަކަށް ރަށްދުކުރުމަށް މިހާރު ވަނީ މިފްކޯއަށް ޙަވާލުކުރެވިފައި ކަމަށެވެ. solex

ރައީސްގެ ޕޯސްޓްގައި އެއަދަދު ވިދާޅުވެފައި ނެތަސް ރައްޔިތުންގެ މަޖިލިހުގެ މިއަދުގެ ޖަލްސާގައި ފިޝަރިޒް މިނިސްޓަރ އަހުމަދު ޝިޔާމް ވިދާޅުވީ މަސްވެރިންނަށް މިހާރު ނުދެވި ހުރި 16 މިލިއަން ރުފިޔާ މާދަމާ މަސްވެރިންނަށް ރައްދުކުރުމުގެ މަސައްކަތް ކުރައްވާނެ ކަމަށެވެ.

ރައީސުލްޖުމްހޫރިއްޔާ ވިދާޅުވީ އެމަނިކުފާނުގެ ރިޔާސީ ވައުދާ އެއްގޮތަށް 48 ގަޑިއިރުގެ ތެރޭގައި މަސްވެރިންނަށް ފައިސާ ދިނުމުގެ އިންތިޒާމް ހަމަޖައްސަވަމުން ގެންދަވާ ކަމަށެވެ.

މެނިފެސްޓޯގައިވާ ފަދައިން 48 ގަޑި އިރު ތެރޭގައި ދެމެހެއްޓެނިވި ގޮތެއްގައި ފައިސާ ދެވޭނޭ ނިޒާމު ޤާއިމު ކުރުމުގެ މަސައްކަތް ދަނީ ކުރެވެމުން.

މަސްވެރިންނަށް ނުދެވިހުރި ފައިސާ ދިނުމަށް މިފްކޯއަށް ފައިސާ ހަވާލުކޮށްފައިވާއިރު ސަރުކާރުން ހުށަހެޅި ސަޕްލިމެންޓްރީ ބަޖެޓްވެސް އިއްޔެ މަޖިލިހުން ވަނީ ފާސްކޮށްފައެވެ. އެބަޖެޓްގައި ސަބްސިޑީ ދިނުމާއި, ސަރުކާރު ކުންފުނިތަކަށް ފައިސާ ދިނުމަށް ފައިސާ ހިމަނާފައި ވެއެވެ.

ފިޝަރީޒް މިނިސްޓަރ އަހުމަދު ޝިޔާމް މިއަދު ރައްޔިތުންގެ މަޖިލިހުގައި ވިދާޅުވީ މިސަރުކާރު ހަވާލުވިއިރު މަސްވެރިންނަށް ނުދީ 250 މިލިއަން ރުފިޔާ ހުރި ކަމަށެވެ.