ޕީއެސްއެމް މެނޭޖިންގ ޑިރެކްޓަރު ކަމުން ޒީނާ ޒާހިރު އިސްތިއުފާ ދެއްވިތާ މަދު ގަޑިއިރުތަކެއްގެ ތެރޭގައި އެކުންފުންޏަށް އާ (އެމްޑީ)އެއް އައްޔަން ކުރައްވައިފި އެވެ.solex

ރޭގެ ވަގުތެއްގައި ޕީއެސްއެމްގެ އާ އެމްޑީއަކަށް އައްޔަން ކުރެއްވީ މުޙައްމަދު ސައީދު އެވެ. އޭނާ އަކީ ތައުލީމީ ދާއިރާގެ ތަޖުރިބާކާރެކެވެ. ސަރުކާރުގައި މަސައްކަތްކުރެއްވީ މިނިސްޓްރީ އޮފް އެޑިއުކޭޝަންގައެވެ. އެމިނިސްޓްރީގެ އެކި ފަންތީގެ މަގާމްތައް އަދާކުރައްވަމުން އެންމެ ފަހުން ހުންނެވީ ޕާމަނަންޓް ސެކެޓްރީގެ މަގާމްގައެވެ. ނަމަވެސް ރައީސް ޔާމީނުގެ ދައުރުގައި ދެއްވި އެމަގާމް, ހަމަ އެދައުރުގައި ގެއްލުނެވެ. އެއީ ސިވިލް ސަރވިސް ކޮމިޝަނުން އޭނާ ވަކިކުރެއްވުމުންނެވެ.

އެންމެފަހުން ސައީދު މަސައްކަތް ކުރެއްވީ ވޮލީބޯޅަ އެސޯސިއޭޝަންގެ ޖެނެރަލް ސެކެޓްރީގެ މަގާމްގައެވެ. ގައުމީ އަންހެން ވޮލިބޯޅަ ޓީމް އެންމެފަހުން ނޭޕާލްގައި އޮތް ކާވާ ނޭޝަންސް ލީގުގައި ވާދަކުރި އިރު ޓީމްގެ މެނޭޖަރެއްގެ ގޮތުގައި ދިޔައީވެސް ސައީދު އެވެ.